ЯҢАЛЫКЛАР

13 апрельдә  Татарстан  Республикасы Авыл хуҗалыгы  һәм азык-төлек  министрлыгында  Татарстан  бакчачылары  берлеге    конференциясе  узды. Аның  эшендә  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат  Әхмәтов, министрның  беренче   урынбасары  Николай Титов, Татарстан  Республикасы Дәүләт Советы депутаты, Экология, табигатьтән файдалану, агросәнәгать  һәм азык-төлек  сәясәте комитеты  рәисе    Таһир Һадиев, Татарстан Республикасы  авыл  хуҗалыгы  һәм азык-төлек  министры  урынбасары    Ришат Хәбипов,   Татарстан бакчачылары  берлеге  рәисе   Владимир Дейнекин,  Татарстан  Республикасы  министрлыклары,    ведомстволары, муниципаль районнарының  башкарма  комитетлары вәкилләре коммерциягә карамаган  бакчачылык ширкәтләре рәисләре    катнашты. 

Техник  модернизацияләүнең авыл хуҗалыгы продукциясен    конкурентлыкка  сәләтле  итүнең төп  шартларыннан  берсе  булуы турында  шимбә  көнне  Татарстан  Республикасы Хөкүмәте Йортында  узган  республика киңәшмәсендә  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры  Марат  Әхмәтов  сөйләде. 

Шимбә көнне   Казанда  һәм Чаллыда  Татарстан  Республикасы Авыл хуҗалыгы  һәм азык-төлек  министрлыгы һәм шәһәрләрнең башкарма комитетлары  тарафыннан  оештырылган  авыл  хуҗалыгы   ярминкәләре  узды.   Продуктларны  һәм товарларны  республиканың    төрле  районнарыннан      авыл  хуҗалыгы товар  җитештерүчеләре,  шулай  ук  АПК предприятиеләре җитештерүчеләре, фермерлар, умартачылар      алып  килде.  Язгы  ярминкәдә беренче  мәртәбә  Идел  буе районы  мәйданчыкларына  үз продукциясен    «Үзәк»   СПСПСК алып  килгән. Сәүдә  мәйданчыкларына авылларга  йөри  торган  автолавкалар  да  килгән.  

12 апрельдә Татарстан Республикасы  авыл  хуҗалыгы  һәм азык-төлек  министрының беренче   урынбасары    Николай Титов Фән һәм техниканы  үстерүгә финанс  ярдәме буенча Бөтенкытай ассоциациясенең  Венчур  инвестицияләр комиссиясе Генераль секретаре,  Югары  технологик һәм    инновацион индустрия өлкәсендә  Евразия  базарын  үстерү буенча  стратегик  хезмәттәшлек  берлеге  Рәисе   Сю Сяопин ханым  белән  очрашты.  Очрашуда  шулай  ук   Beijing Public Trust Management Consultant Ltd консалтинг департаменты   генераль  директоры урынбасары     Сян Лю, Татарстан Республикасы  авыл  хуҗалыгы  һәм азык-төлек  министры  урынбасарлары    Илдус Габдрахманов, Нәҗип Хаҗипов, Тәлгать  Таһирҗанов, Татарстан  Республикасы   Инвестиция-венчур фонды вәкилләре  һәм башка  җаваплы  затлар  катнашты.  

Татарстан  Республикасы Авыл хуҗалыгы  һәм азык-төлек  министрлыгы «2017 – 2020 елларга  Татарстан  Республикасында  авыл  хуҗалыгы  кулланучылар кооперациясен үстерү» программасы  буенча  матди-техник базаны  үстерү  өчен  грантлар  бирүгә авыл  хуҗалыгы  кулланучылар  кооперативларын    сайлап алу конкурсы     башлану  турында  игълан итә.    

Шимбә көнне, 13 апрельдә,  иртәнге  6.00 сәгатьтә Казанда, Чаллыда,  Зеленодольск районының  Октябрьский поселогында  (“Яңа  Тура” сәүдә-ярминкә  комплексында)   гадәттәге  авыл хуҗалыгы  продукциясен һәм  көндәлек  азык-төлек  товарларын  сату ярминкәләре эшли башлый.   

“Быел яз  иртә  килде.  1985 елда   11 апрельдә без  язгы  чәчүне башлаган  идек,  быел менә  шул  көнне  язгы  кыр  эшләренә  керештек.    Күпьеллык   үләннәрне тырмалауны, көзге  культураларны  тукландыруны,  туңга  сөрелгән  җирләрне  тырмалауны   12 апрельдә  башларга  торабыз.   Техника чәчүгә  әзер. 10 апрельдә Татарстан  Республикасы Авыл хуҗалыгы  һәм азык-төлек  министрлыгыннан  килгән  комиссия     машина-трактор паркының,  башка  техниканың  язгы  кыр  эшләренә  әзерлеген  уңай  бәяләде.  Моңа  кадәр  4 апрельдә бенең  үзебезнең  комиссия белән дә техниканың  әзерлеген  тикшергән  идек”, - дип билгеләп  үтте  Актаншы  муниципаль районы  башлыгы  Энгель Фәттахов,  авыл  хуҗалыгы оешмалары  җитәкчеләре,  авыл  җирлекләре  башлыклары, фермерлар һәм районның  җаваплы  затлары  катнашында  уза  торган  агроконференцияне ачып.   Конференция  эшендә  шулай  ук  Татарстанның  авыл  хуҗалыгы  өлкәсендә  төп  фәнни эшчәнлекне  алып  баручы  галимнәр,   Башкортостаннан  галимнәр, ике  республиканың  да  нәтиҗәле  эшләүче авыл  хуҗалыгы  предприятиеләре  җитәкчеләре  катнашты.  

Дөньяда талантлы музыкантлар, рәссамнар, инженерлар, оештыручылар бар, әмма тагын әле талантлы гади эшчеләр дә була. Көндәлек хезмәте белән атказанган һәм ихтриам яулаган гади кешеләр турындагы безнең “Хезмәт кешеләре” рубрикасының бүгенге герое - Малышева Клавдия Филипповна.

Татарстанда  җиде  муниципаль районда  кырларда  дым  каплатуга  керештеләр.   Министрлыкның  игенчелек  тармакларын  үстерү  бүлеге  башлыгы    Ирек Садыйков сүзләреннән  күренгәнчә, республикада  бу  эшкә  беренчеләрдән  булып  Ютазы, Азнакай, Әлмәт, Нурлат, Алексеевск, Зәй, Сарман  муниципаль  районнары игенчеләре  кереште. 

9 апрельдә    «РАЦИН» АҖ генераль директоры    Әсхать Шәрәпов Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат  Әхмәтов кушуы  буенча    Дубайда  Еллык  инвестиция   форумы  (Annual Investment Meeting 2019) кысаларында Берләшкән  Гарәп Әмирлекләре Икътисад министрлыгының  тышкы сәүдә һәм сәнәгать министры  урынбасары    Абдулла Әхмәд Әл Салех әфәнде  белән  очрашты.   Халыкара  очрашуда шулай  ук  «РАЦИН» АҖ  генераль  директоры  урынбасары    Әнвәр Мәүләнов, Татарстан  Республикасының  Халыкара  ислам  бизнесы ассоциациясе вәкиле   Илнур Гайнуллин,   «Хәләл Агро Трейд» сәүдә йорты  вәкиле  Адел Хисмәтуллин катнашты.