ЯҢАЛЫКЛАР

Бу катлаулы вакытта өзлексез эшләүче предприятиеләрнең берсе – Татагрохимсервис. Компания төркеменә керүче структуралар Татарстанның һәм күрше төбәкләрнең АПК предприятиеләрен технологик тәэмин итеп кенә калмыйча, Россия авыл хуҗалыгы җитештерүенең кайбер башка эшчәнлек юнәлешләренә дә хезмәт күрсәтәләр.

Яңа сезонда Агрокөч ремонтлау кампаниясенә 500 млн сум акча җибәрде, узган ел инвестицияләр күләме 900 млн сум булган иде, дип хәбәр итә «Агрокөч» АҖ генераль директорының эшчәнлек мәсьәләләре буенча урынбасары Петр Чаплыгин. «Сакчыл җитештерү аркасында без техниканы ремонтлауга чыгымнарны ике мәртәбәдән артыкка киметә алдык. Без шулай ук стандарт операция карталары эшләдек, аларны тиешле инструментлар белән тәэмин иттек, бу күпчелек позицияләрне сатып алырга түгел, ә аларны кабат торгызырга ярдәм итә», - дип сөйли Петр Чаплыгин.

Бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров хәбәр итте. Барлык муниципаль районнар белән видеоконференция режимындагы киңәшмәне Татарстан Республикасы Президенты Рөстәм Миңнеханов үткәрде.

4 апрельдә видеоконференция режимындагы республика киңәшмәсендә Татарстан Республикасы авыл хуҗалыгы һәм азык-төлек министры Марат Җәббаров, авыл хуҗалыгы җитештерүчеләре алдына, терлек азыгын гадәттәгечә ике чабымда түгел, ә өч чабымда алу бурычы куелды, дип, хәбәр итте.

Азык-төлек иминлеген тәэмин итү, халыкны өзлексез рәвештә җитәрлек күләмдә ашамлык продуктлары белән тәэмин итү, авыл хуҗалыгы продукциясен, чималын һәм азык-төлекне өзлексез җитештерүгә ярдәм итү максатларында Татарстан Республикасы Авыл хуҗалыгы һәм азык-төлек министрлыгы шуны хәбәр итә: авыл хуҗалыгы продукциясен һәм аның эшләнмәләреннән продуктлар, ашамлык продуктларын да кертеп, җитештерүче, авыл хуҗалыгы продукциясенең һәм азык-төлекнең товар запасларын булдыручы оешмалар, шул исәптән сезонлы кыр эшләрен башкаручы, терлекчелек өлкәсендә эшләүче оешмалар, балык тотучы, балык эшкәртүче предприятиеләр, балыкчылык хуҗалыклары, шулай ук ветеринария дару чараларын җитештерү белән шөгыльләнүче оешмалар, халыкны ашамлык продуктлары белән тәэмин итүгә бәйле эшчәнлекне һәм азык-төлек иминлеген тәэмин итүгә юнәлдерелгән башка төр эшчәнлекне гамәлгә ашыручы оешмалар Россия Федерациясе Президентының “Россия Федерациясендә эш көннәрен игълан итү турында” 2020 елның 25 мартындагы 206 номерлы Указының 2 пунктындагы «а», «в» һәм «г» пунктчаларына эләгә.

Язгы кыр эшләренең барышы һәм бакчачылык ширкәтләренең инфраструктурасын модернизацияләү турында бүген Татарстан Республикасы Хөкүмәте Йортында узган киңәшмәдә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров сөйләде.

2 апрельдә Россия Федерациясе авыл хуҗалыгы министрының беренче урынбасары Джамбулат Хатуов видеоконференция режимында киңәшмә уздырды, ул Россия төбәкләрендә яшелчәчелекне һәм бәрәңге үстерүне арттыру, җитештерү запаслары белән тәэмин итүне һәм куллануны арттыру мәсьәләләренә багышланган иде. Чарада Татарстаннан Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров катнашты.

Буа һәм Нурлат игенчеләре беренчеләрдән булып язгы культураларны чәчүгә керештеләр. Татарстан Республикасы Авыл хуҗалыгы һәм азык-төлек министрлыгының оператив белешмәләренә караганда, бүгенгә Буа районында 80 га бодай һәм 120 га арпа чәчелгән, Нурлат районында – 30 га арпа.

Россия Федерациясе Авыл хуҗалыгы министрлыгы һәм "Россельхозбанк" АҖ авыл кешеләренә ташламалы кулланучылар кредиты бирү программасын гамәлгә ашыру турындагы килешүне имзаладылар – бу “Авыл территорияләрен комплекслы үстерү” буенча дәүләт программасының төп инструментларының берсе.

Татарстан Республикасы Авыл хуҗалыгы һәм азык-төлек министрлыгы хәбәр итүенчә, «Пятёрочка» сәүдә челтәре Казандагы үз кибетләреннән продуктлар китереп бирү сервисын - «Доставка. Пятёрочка» - оештырган. Мондый хезмәт күрсәтү Казанның Авиатөзелеш, Мәскәү, Яңа Савин, Вахит, Совет һәм Идел буе районнарында башкарыла. Сервис кысаларында Татарстан фермерларының һәм авыл хуҗалыгы җитештерүчеләренең продукциясен: ит, казылык әйберләре, ярымфабрикатлар, сөт, сырлар, йомырка, сөт һәм икмәк продукциясе, яшелчәләр, чәйләр һәм башка әйберләр алырга мөмкин.