Татагрохимсервис өзлексез режимда эшли һәм республика авыл хуҗалыгы җитештерүчеләрен кирәкле ресурслар белән тәэмин итә

2020 елның 6 апреле, дүшәмбе

Бу катлаулы вакытта өзлексез эшләүче предприятиеләрнең берсе – Татагрохимсервис. Компания төркеменә керүче структуралар Татарстанның һәм күрше төбәкләрнең АПК предприятиеләрен технологик тәэмин итеп кенә калмыйча, Россия авыл хуҗалыгы җитештерүенең кайбер башка эшчәнлек юнәлешләренә дә хезмәт күрсәтәләр.

Татарстан Республикасы Авыл хуҗалыгы һәм азык-төлек министрлыгы шуңа игътибар итә, предприятие авыл хуҗалыгы җитештерүчеләрен үзебездә эшләнгән авыл хуҗалыгы техникасы, минераль ашламалар белән, шулай ук төбәкләр шартларына яраклаштырылган, төрле һава шартларына чыдам булырлык һәм табышлылыкны арттырырга ярдәм итә торган, чүпләрдән, корткычлардан һәм авырулардан саклап кала торган чаралар системалары ярдәмендә әзерләнгән авыл хуҗалыгы культуралары орлыклары белән тәэмин итә.

«Агрохиммаш» филиалы авыл хуҗалыгы машинасы төзелеше өлкәсендә 30 елдан артык эшли. Заводның инженерлык-проектлау төркеме үсемлекчелек өчен агрегатлар проектларын эшли, тестлар уздыра һәм аларны җитештерә, болар: ашламалар сиптерү машиналары, тагылма һәм үзйөрешле сиптергечләр, туфракка КАС кертү агрегатлары, күчерелмә бутагыч комплекслары, стационар измә агрегатлары.

Сервис хезмәте, авыл хуҗалыгы техникасы ватылган очракта, үзебезнеке генә түгел, барлык җитештерүчеләрнең техникасы, аларны ачыклау һәм төзәтү өчен бик кыска срокларда килеп җитә.

Үзенең 40 елдан артык тарихы чорында предприятие үз арсеналына Татарстанда уңышлы үсемлекчелек өчен кирәкле барлык ресурсларны туплады. Бүген Татагрохимсервис өзлексез режимда эшли һәм авыл хуҗалыгы җитештерүчеләрен кирәкле барлык ресурслар белән тәэмин итә.

 

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International