Татарстан Республикасы Тукай муниципаль районының «Ирек» ҖКында бар куәткә бөртекле һәм кузаклы культуралар җыялар

Татарстан Республикасы Тукай муниципаль районының «Ирек» ҖКында бар куәткә бөртекле һәм кузаклы культуралар җыялар. «Безгә барысы 1000 гектар мәйданда уңыш җыеп алырга кирәк, – дип сөйләде кооператив җитәкчесе Рөстәм Хаҗиев. – Бөртеклеләрне орлык өчен үстерәбез, шуңа күрә аларга таләпләр дә башка: дымлылык 13-14 проценттан артмаска тиеш, ә киптерү җайланмалары аша узган орлыкның чыгышы начаррак була. Уңыш – бер гектардан уртача 67 центнер».

Бүгенге көнгә хуҗалыкның ашлык амбарларына 2,2 тонна ашлык кергән. Кырларда тәҗрибәле механизаторлар: Илгиз Мөхәммәтдинов, Вафир Сәхабиев, Рамил Сабирҗанов, Илсур Мәгъсүмов, Ринат Фәрдиев һәм Илфат Гарифуллин эшли, кырдан ашлыкны Хәмзә Вәлиев, Әхнәф Вәлиев, Мәхфүрән Баязитов, Алексей Спасских һәм Александр Метляков кайтара.