«Идел буенда Россия товарлары атнасы» кысаларында «Бал ярлары» («Медовые берега») сәүдә-ярминкәсе узачак

2017 елның 16 августыннан 20 августына кадәр «Казанярминкәсе» күргәзмә үзәгендә «Идел буенда Россия товарлары атнасы» универсаль күптармаклы күргәзмә узачак. Аның кысаларында «Бал ярлары» («Медовые берега») сәүдә-ярминкәсе булачак, аны “Урманчылык идарәсе” ДАУ оештыра.

Ярминкәдә балның иң яхшы сортлары һәм төрледән-төрле умартачылык продукциясе: прополис, чыршын (перга), балавыз, серкә (пыльца) һ.б.лар булачак. Ярминкәдә Татарстаннан гына түгел, шулай ук илебезнең башка төбәкләреннән дә катнашучылар булыр, дип көтелә.