Татарстанда көзге һәм күпьеллык үләннәргә ашлама кертү дәвам итә

Татарстанда көзге һәм күпьеллык үләннәргә ашлама кертү дәвам итә. Бу елның 26 апреленә уҗым культураларына 216,2 мең га(планнан 38%) мәйданда ашлама кертелгән, күпьеллык үләннәргә– 163,8 мең га (33%) мәйданда.

Әлки районында уҗым культураларын ашламалау 19,7 мең га (77%) мәйданда башкарылган, Сарман районында – 15,8 мең га (75%), Зәй районында – 12,3 мең га (82%), Тәтеш районында – 11,5 мең га (67%).

Язгы чәчүгә Сарман, Зәй, Аксубай, Яңа Чишмә һәм Әлмәт муниципаль районнары кереште. Соңгы көннәрдә республикада чәчү барышына яңгырлар тоткарлык тудырды.