Республиканың Биектау муниципаль районында ирләр командалары арасында мини-футбол буенча Татарстан Республикасы чемпионатының беренче зонасы ярышлары узды
2016 елның 29 сентябреннән 2 октябренә кадәр Биектау районы үзәгендә XIII нче “Сәламәтлек” авыл спартакиадасы кысаларында авыл районнарының ирләр командалары арасында мини-футбол буенча Татарстан Республикасы чемпионатының беренче зонасы ярышлары узды. Ярышларны Татарстан Республикасы “Уңыш” физкультура-спорт җәмгыяте оештырды.
Ярышларда 14 команда катнашты. Катнашучылар 150ләп кеше иде.
1 нче урынны Татарстан Республикасы Кукмара муниципаль районы командасы алды. 2 нче урынга Саба муниципаль районы командасы чыкты, 3 нче урында – Балтач муниципаль районы командасы.
XIII нче “Сәламәтлек” авыл спартакиадасы кысаларында авыл районнарының ирләр командалары арасында мини-футбол буенча Татарстан Республикасы чемпионатының икенче зонасы ярышлары 2016 елның 6-9 октябрендә Болгар шәһәрендә узачак.