Бүген Министрлыкта Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров рәислегендә «Напитки Вместе» компаниясе җитәкчелеге белән эшлекле очрашу узды. Очрашу барышында яклар Татарстан Республикасы территориясендә сыра арпасын үстерү буенча озак сроклы агропрограмма нәтиҗәләре, шулай ук сыра арпасын чәчү мәйданнарын арттыру буенча хезмәттәшлекне алга таба киңәйтү турында фикер алыштылар.

Бүген Татарстан Республикасы авыл хуҗалыгы һәм азык-төлек министры урынбасары Марат Кәримов Бөек Ватан сугышының тыл ветераннары Дилбәр Сибъгәтуллинаны һәм Тәлгать Вәлиевне якынлашып килүче Җиңүнең 81 еллыгы белән котлады.

Татарстан Республикасы Авыл хуҗалыгы һәм азык-төлек министрлыгы авыл хуҗалыгы кулланучылар кооперативларының һәм эшкәртүчеләрнең 2025 елның 4 кварталында һәм 2026 елның 1 кварталында тотылган чыгымнары өлешен каплауга субсидияләр алу өчен мөрәҗәгать итүчеләрне конкурс нигезендә сайлап алуда катнашуга гаризалар кабул итү турында игълан итә. Сайлап алу Татарстан Республикасы Министрлар Кабинетының «Авыл хуҗалыгы кулланучылар кооперативларына һәм эшкәртүчеләргә тотылган чыгымнарының федераль бюджеттан финанслана торган өлешен каплауга Татарстан Республикасы бюджетыннан субсидияләр бирү тәртибе турында» 2021 елның 30 июнендәге 514 номерлы карары белән расланган Тәртип нигезендә үткәрелә

13 майда «Россия – Ислам дөньясы: Казанфорум» XVII халыкара икътисадый форумы кысаларында «Казан» агросәнәгать паркында «Kazan Halal Market» халыкара сәүдә ярминкәсенең рәсми ачылышы була. Россиянең иң зур Хәләл сәүдә мәйданчыгында Ислам дөньясы илләренең алдынгы компанияләреннән тиешле сертификация белән азык-төлек, кием-салым, аксессуарлар, косметика һәм башка товарлар сатып алырга мөмкин булачак.