Татарстанда бөртекле һәм кузаклы культуралар 62 процент мәйданда җыелган
21 августка республикада 978,4 мең га мәйданда 2075 мең тонна ашлык суктырылган. Уртача ашлык уңышы гектардан 21,2 центнер тәшкил итә.
Бөртекле һәм кузаклы культураларның иң күп мәйданы Буа районында – 37, 7 мең га һәмАзнакай районында – 35, 9 мең га җыелган.
Бөртеклеләрнең уртача уңышы буенча Актаныш һәм Балтач районнары алда бара – гектардан 30,4 әр центнерашлык чыга.
Республикада көзге культуралар - 484,6 мең га мәйданда, сабан бодае 88,3 мең га мәйданда суктырылган, арпа - 306,5 мең га, борчак 54,3 мең га мәйданда суктырылган. 1050,2 мең тонна көзге уңыш, 179 мең тонна сабан бодае, 671,3 мең тонна арпа, 83,9 мең тонна борчак җыелган.
Урып-җыю эшләре белән бер үк вакытта Татарстан аграрчылары уҗым культуралары чәчәләр һәм терлек азыгы әзерлиләр. 21 августка көзге чәчү 159 мең га мәйданда башкарылган, 1116,9 мең тонна терлек азыгы әзерләнгән.