Татарстан Республикасы Министрлыклары Татарстан Республикасы Авыл хуҗалыгы һәм азык-төлек министрлыгы

Чирмешән районының Югары Кармалка авылында терлекчелек комплексы төзи башладылар

2015 елның 28 июле, сишәмбе

Татарстан Республикасы Чирмешән муниципаль районының Югары Кармалка авылында терлекчелек комплексы төзи башладылар.

«Монда авылдашлар өчен эш урыннары булачак, шул ук вакытта туган авылымда үземнең бизнесыма нигез салына», - дип сөйләде эшкуар Ильяс Хәнәфиев.

Терлекчелек комплексы өчен 500 баш буаз тана сатып алырга һәм киләчәктә сыерлар санын 1000 башка кадәр җиткерергә планлаштыралар.

Хәзер төзелеш урынында 2300 тонна сыйдырышлы сенаж базы диварларын күтәрәләр. Мондый сенаж һәм силос траншеяларын алтыны төзергә уйлыйлар. Шулай ук сыер абзары корпусының металл конструкцияләрен җыялар һәм монтажлыйлар. Шуның янәшәсендә үк сөтчелек блогына нигез салганнар, анда «Карусель» сөт саву залында бер үк вакытта 40 сыер саварга мөмкин булачак.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Татарстанда «Авыл территорияләрен комплекслы үстерү» дәүләт программасы буенча яңа «Идея» яшьләр үзәге ачылды

Бүген Татарстан Республикасы Балык Бистәсе муниципаль районында «Авыл территорияләрен комплекслы үстерү» дәүләт программасы буенча яңа «Идея» яшьләр үзәге ачылды. Ачылышта Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров, Татарстан Республикасы яшьләр эшләре министры Азат Кадыйров, Татарстан Республикасы Балык Бистәсе муниципаль районы башлыгы Радик Исламов катнашты.

Татарстанда авыл хуҗалыгы ярминкәләренә 1,5 млрд сумга якын авыл хуҗалыгы продукциясе китерелгән

Республикада авыл хуҗалыгы ярминкәләре дәвам итә. Узган ялларда татарстанлылар Казанда, Чаллыда, Зеленодольскида, Түбән Камада һәм Кама Аланында оештырылган сәүдә мәйданчыкларындагы авыл хуҗалыгы ярминкәләрендә булдылар. Алар республика районнары, агрохолдинглар һәм җирле фермерлар үзләре җитештергән тәмле һәм сыйфатлы авыл хуҗалыгы продукциясен алып килгәннәр иде.

декабрь, 2025 ел

Татарстанда “Фермер мәктәбе” проектының 6 агымы чыгарылды

Бүген Казан дәүләт аграр университеты базасында «Фермер мәктәбе» белем бирү проектының алтынчы агымында катнашучыларны бүләкләү тантанасы узды. Чарада Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министры Марат Җәббаров, Казан ДАУ ректоры вазыйфаларын вакытлыча башкаручы Илшат Нуриев, Россельхозбанкның Татарстан төбәк филиалы директоры Ләлә Кәдермәтова катнашты.

Казанда авыл хуҗалыгы һәм азык-төлек идарәләре башлыклары өчен укулар узды

Казан дәүләт аграр университетының “Казан ветеринария медицинасы академиясе” институтында Татарстан Республикасы муниципаль районнары авыл хуҗалыгы һәм азык-төлек идарәләре башлыклары өчен булган укулар тәмамланды. Укулар өч көн дәвамында барды, алар барышында идарә башлыклары агросәнәгать комплексында ясалма интеллект технологияләрен, авыл хуҗалыгы культураларын үстерү һәм ашлыкны тирәнтен эшкәртү перспективаларын, үсемлекчелектә инновацион алымнарны, терлекчелектә цифрлы чишелешләрне, шулай ук федераль дәүләт мәгълүмат системаларындагы эшне өйрәнделәр.

ЯҢАЛЫКЛАРГА ЯЗЫЛУ