Чистай районында комбайнчыларга беренче сертификатлар тапшырылды

Кичә Чистай муниципаль районы башлыгы Дмитрий Иванов көнгә 100 мең тоннадан артык ашлык суктырган «Йолдыз” авыл хуҗалыгы предприятиесе механизаторларына сертификатлар тапшырды.

Районның Авыл хуҗалыгы һәм азык-төлек идарәсе Иван Чурин катнашында район башлыгы кулыннан беренче сертификатларны комбайнчылар Дамир Мостафин, Рәнис Габетдинов һәмТимофей Цыганов алды. Алар барысы да «Нью-Холланд СХ-6090» заманча комбайннарында эшлиләр.

Чистай районында Авыл хуҗалыгы һәм азык-төлек идарәсе уракка төшәр алдыннан бөртекле һәм кузаклы культураларны урып-җыюда катнаша торган комбайнчыларны бүләкләү шартларын эшләде. Аерым алганда, төрле маркадагы комбайннарда эшләүче механизаторларга көн саен 500 сум күләмендә премия биреләчәк, аның шарты: СК-5 «Нива», «Енисей» комбайннарында – көнгә 30 тонна һәм аннан күбрәк; «ДОН-1500»комбайнында – 50 тонна һәм аннан күбрәк; «Акрос», «Нью-Холланд ТС-56» комбайннарында – 55 тонна һәм аннан күбрәк; «Тукана», «Мега», «Нью-Холланд CS-6080» комбайннарында - 65 тонна һәм аннан күбрәк;«Нью-Холланд CS-6090», «Лексион», «Джон Дир» комбайннарында 75 тонна һәм аннан күбрәк ашлык суктырырга кирәк булачак.

Матди кызыксындыру чараларыннан тыш, урып-җыю йомгаклары буенча алдынгыларны Рәхмәт хатлары белән бүләкләячәкләр һәм алар турында район газетасында мәкаләләр басылып чыгачак.