Баулы муниципаль районының «Кызыл Яр» ҖЧҖ җәйге лагерь базасында һөнәри осталык конкурсы узды
Баулы муниципаль районының «Кызыл Яр» ҖЧҖ җәйге лагерь базасында машина белән сыер саву опраторлары, терлекләр үстерү технологлары һәм ветеринария табиблары арасында һөнәри осталык конкурсы узды.
Ветеринария табиблары арасындагы конкурс 2 номинациядә үткәрелде: теоретик өлеше билетлар буенча һәм практик өлеше (ректаль тикшеренү, вакуум пробиркалары белән кан алу, тоякларны эшкәртү, маститны ачыклау һ.б.).
Беренче мактаулы урынны «Березовские зори» ҖЧҖнең ветеринария табибы - Газизҗан Сәлимҗанов, икенче урынны «Берлек» ҖЧҖнең ветеринария табибы - Асәмгөл Дәүләтбаева, өченче урынны «Колос» СПК ветеринария табибы Әлфия Гудкова алды.
Конкурста җиңүчеләре Баш ветеринария идарәсе җитәкчелеге исеменнән дәвалау-профилактикалау эше бүлеге башлыгы Дамир Хөснетдинов котлады.