Марат Әхмәтов Татарстан Республикасында терлекчелек тармагында 2015 елның гыйнвар аендагы эш йомгаклары турында җиткерде

Татарстан Республикасында 2015 елның гыйнвар ае йомгаклары буенча эре мөгезле терлекләр саны 745,8 мең баш исәпләнә, шул исәптән сыерлар – 247,5 мең баш. Бу хакта бүген Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов җиткерде. Барлык муниципаль районнар белән видеоконференцэлемтә режимындагы киңәшмәне Татарстан РеспубликасыПрезиденты Рөстәм Миңнехановүткәрде. Чарада Татарстан Республикасы Премьер-министрының беренче урынбасары Алексей Песошин катнашты.

Марат Әхмәтов 2015 елның гыйнвар аенда авыл хуҗалыгы берләшмәләрендәге һәм крестьян-фермер хуҗалыкларындагы терлекчелек тармагы эшенә йомгаклар турында җиткерде. Мәсәлән, 2015 елның гыйнварында республикада үстерелгән терлекләр һәм кош-кортларның тере үлчәмдәге авырлыгы 30,1 мең тоннага җитте (2014 елның шушы чорына карата 101 %), 75,5 млн. данә йомырка җитештерелде (115,4%). 

Терлекләрнең баш санына килгәндә (745,8 мең баш), республикада 435,6 мең дуңгыз, 53,4 мең сарык һәм кәҗә, 13,5 млн. тонна кош-корт исәпләнә. Татарстан Республикасы Авыл хуҗалыгы һәм азык-төлек министрлыгы башлыгы шулай ук гыйнвар ае йомгаклары буенча эре мөгезле терлекләр саны арткан һәм кимегән муниципаль районнарны атап китте. Гыйнвар аенда республикада үстерелгән кош-кортларның тере үлчәмдәге авырлыгы 15,4 мең тонна тәшкил итә, 7,8 мең тонна – эре мөгезле терлек, 6,8 мең тонна – дуңгыз.