Яңа өметләр бәйрәме

Хөрмәтле коллегалар! Кадерле дуслар! 

Сезне якынлашып килүче 2015 ел белән чын күңелдән котлыйм! 

Вакыт чаба да, чаба, һәр үткән мизгел һәрберебезне яңа тормыш киңлекләренә алып чыга. Быел да менә агымдагы елга йомгак ясап,  киләчәк турында уйланыр вакыт җитте. Яңа елга аяк басканчы, әйдәгез әле, тарихка кереп китә торган ел күрсәткечләрен барлап алыйк.  

Россия аграрчыларының мактанырлыгы бар. Бөртекле һәм кузаклы культураларның тулаем җыелмасы –  105 млн. тоннадан артыграк,  бу – Россиянең яңа тарихында икенче мәртәбә ирешелгән иң югары күрсәткеч. Бу  ирешелгән уңышны алтыннан да кадерлерәк көмеш итеп кабул итәргә кирәк. Илебез тарихында беренче мәртәбә соя һәм рапс җитештерү буенча иң югары күрсәткечләргә ирешелде. Яшелчә, җиләк-җимеш тә рекорд күрсәткечләрдә җыелды.  Болар барысы бергә кулланучыларны үзебездә үскән игенчелек продукциясе  белән тәэмин итәргә мөмкинлек бирә. 

Терлекчелек тармагындагы  кыенлыкларга да карамастан, уңай алга китеш күзәтелә. Мәсәлән,  терлек һәм кош-корт сую өчен тере үлчәмдә былтыргыдан 4 процентка артыграк җитештерегән. 1 млн. тоннага артыграк сөт җитештерлде. Аквакультура җитештерүчеләрнең ирешкән уңышлары да сөендерә.  

Россия Федерациясе Президенты Владимир Владимирович Путин  Федераль Собраниегә юлламасында авыл хезмәтчәннәренә агымдагы елда ирешкән уңышлары өчен рәхмәт белдерде.  Бу исә 2015 елда яңа үрләр яулау, җаваплы бурычларны уңышлы хәл итү өчен  көч-куәт,  дәрт өсти. Шулардан иң мөһиме  – азык-төлек өлкәсендә импортны тулысынча алмаштыруны тәэмин итү һәм Россия АПКсын ныгыту. Моның өчен кирәкле мөмкинлекләр бар. Быелгы елда Хөкүмәт тарафыннан өстәмә рәвештә игенчелек  һәм терлекчелек өлкәсендә гамәлгә ашырыла торган 8,6 меңнән артык инвестиция  проектларын  субсидияләүгә 20 млрд. сум бүлеп бирелде. Бу исә дуңгыз җитештерүне тере үлчәмдә 589 мең  тоннага арттырырга,  кош итен –  409,57 мең тоннага, сөтне – 521, 69 мең тоннага арттырырга,  якланган грунтта яшелчәләр үстерү мәйданын  400 гектарга якын арттырырга мөмкинлек бирәчәк. 

2013-2020 елларга авыл хуҗалыгын үстерү буенча дәүләт программасында бүгенге көн өстенлекләре киң чагылдырыла. Алар арасында – күпләп-ваклап бүлү үзәкләрен,       селекция-генетика һәм  селекция-орлыкчылык үзәкләрен төзү, социаль тукландыру системасын үстерү,   орлыкчылык өчен бәрәңге,  ачык һәм ябык грунтта яшелчә үстерүгә, ит һәм сөт терлекчелеген, авыл хуҗалыгы кооперациясен, мелиорация комплексын  үстерүгә ярдәм итү.  Болар барысы да үзебезнең агросәнәгатьне  сыйфатлы үзгәртеп коруга илтә торган   магистраль юллар. 

Үзенең тормышын  аграр тармакка һәм балык хуҗалыгына бәйләгән һәркемгә үз өстенә шундый җаваплы йөк алганы өчен, фидакарь хезмәте өчен, зур осталыгы һәм Ватаныбызга  булган эчкерсез мәхәббәте өчен ихластан рәхмәт белдерәм.  Зур җиңүләрнең ничек яуланганын сезгә сөйләп торасы түгел, сез моны бик яхшы беләсез. Алда – катлаулы сынаулар. Тагын да ныграк булу өчен безгә бердәм булып, армый-талмый эшләргә кирәк булачак.  

Тагын бер нәрсә. Иң кыен вакытларда да шуны истә тотарга кирәк, тормыштагы һәр мизгел -  ул могҗиза.  Мәхәббәт һәм дуслык, игелек һәм матурлык кебек мәңгелек гади һәм кыйммәтле хәзинәләр бар. Нәкъ менә шулар безгә киләчәк таңны өмет һәм ышаныч белән каршыларга ярдәм итә.  

Сезгә нык сәламәтлек, күңел күтәренкелеге, тормышыгызда иминлек, өйләрегездә тынычлык, муллык, куйган максатларыгызга ирешүегезне телим. Бәхетле булыгыз! Яңа ел белән!

Россия Федерациясе 

авыл хуҗалыгы министры                                 Н.В.Федоров