Татарстан Республикасы Министрлыклары Татарстан Республикасы Авыл хуҗалыгы һәм азык-төлек министрлыгы

КазДАУ базасында һәвәскәр бакчачыларның күргәзмә-ярминкәсе узачак

2014 елның 24 сентябре, чәршәмбе

27 сентябрьдә Казан дәүләт аграр университетының Укыту-демонстрация үзәгендә һәвәскәр бакчачыларның «Татарстанның бакча җимешләре һәм виноград бакчалары» дигән күргәзмә-ярминкәсе узачак.

Монда бакчачылар виноград, җимеш агачлары, декоратив үсемлекләр үстерүдәге уңышларының үрнәкләрен, шулай ук алардан пешерелгән варенье һәм башка әйберләрне кргәзмәгә чыгарачаклар.

Мондый күргәзмә-ярминкә университет базасында ел саен үткәрелә, быелгысы бишенче була, анда 50ләп бакчачы катнаша.

Катнашучыларның күбесе Казаннан. Шулай ук Чистай, Бөгелмә муниципаль районнары, Чувашия Республикасыннан Чебоксардан һәм башка төбәкләрдән дә бакчачылар була.

Күргәзмә 9.00 сәгатьтә башлана.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Марат Җәббаров Кукмара районында агротехнология классларын ачты

Бүген Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров Татарстан Республикасы Кукмара муниципаль районында агротехнология классларын ачты. Аны район башлыгы Сергей Димитриев озата йөрде.

декабрь, 2025 ел

«ВНИИЗЖ» ФДБУнең Татарстан филиалында яңа җитәкче билгеләнде

Бүген Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов очрашу үткәрде һәм «ВНИИЗЖ» ФДБУнең Татарстан филиалы коллективына яңа директор вазыйфасына Мөбәрәков Айтуган Ризван улын тәкъдим итте.

Министрлыкта Яңа Чишмә районының агросәнәгать комплексын үстерү турында фикер алыштылар

Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров рәислегендә агросәнәгать комплексы мәсьәләләре буенча киңәшмә узды. Анда видеоконференцэлемтә режимында Татарстан Республикасы Яңа Чишмә муниципаль районы башлыгы Егор Тарнавский катнашты.

Татарстанда авыл хуҗалыгы ярминкәләре 28 декабрьгә кадәр дәвам итәчәк

Татарстанда авыл хуҗалыгы ярминкәләре күркәм традициягә әверелде һәм алар, җитештерүчеләр һәм кулланучылар арасында элемтәләрне ныгытып, авыл хуҗалыгын үстерүгә һәм төбәкнең азык-төлек иминлеген яхшыртуга ярдәм итү йөзеннән даими рәвештә уздырыла, бу «Нәтиҗәле һәм конкурентлы икътисад» илкүләм проекты максатларына һәм бурычларына туры килә. Атна саен ярминкәләргә күп төрле продукция: кош ите, сыер ите, дуңгыз ите, йомырка, бәрәңге, яшелчә, сөт һәм сөт продуктлары, шикәр, көнбагыш мае, он һәм төрле кондитер әйберләре китерелә.

ЯҢАЛЫКЛАРГА ЯЗЫЛУ