Татарстанда узган тәүлектә 3002,8 тонна сөт җитештерелгән

Татарстан Республикасында узган тәүлектә 3002,8 тонна сөт җитештерелгән, бу үткән елның шул чорына караганда 173,0 тоннага күбрәк. Иң күп тәүлеклек савым Балтач муниципаль районыныда күзәтелә – 152,0 тонна, Арча һәм Кукмара районнарында да күрсәткечләр югары – аларның беренчесендә 143,1 тонна һәм икенчесендә 139,3 тонна.

Әтнә, Саба, Актаныш, Мамадыш, Әлки, Азнакай муниципаль районнарында тәүлеккә 100 тоннадан артыграк сөт савалар.

Татарстан Республикасы Авыл хуҗалыгы һәм азык-төлек министрлыгының оператив мәгълүматыннан күренгәнчә, 22 сентябрьгә республика терлекчеләре бер сыердан уртача тәүлеккә 12,8 кг сөт савалар. Башкалардан күбрәк – 16,4 кг Саба муниципаль районында. Мамадыш муниципаль районында бер сыердан уртача тәүлеклек савым 16,2 кг, Буа һәм Әтнә муниципаль районннарында савым тәүлеккә уртача 16,1 кг.