Татарстан Республикасы Министрлыклары Татарстан Республикасы Авыл хуҗалыгы һәм азык-төлек министрлыгы

Республикада 539,2 мең тонна ашлык суктырылган

2014 елның 1 августы, җомга

Татарстан Республикасы Авыл хуҗалыгы һәм азык-төлек министрлыгының оператив мәгълүматларыннан күренгәнчә, бөртекле һәм кузаклы культуралар 229,1 мең га мәйданда суктырылган, бу барлык мәйданнан 14% тәшкил итә.

Республика районнарында уҗым бодае – 117,7 мең га, көзге арыш – 99,1 мең га, арпа – 2,2 мең га, борчак 7,5 мең га мәйданда җыелган. Буа, Апас, Кайбыч муниципаль районнарында ашлык 80 % мәйданда суктырылган.

Республикада 539,2 мең тонна ашлык суктырылган. 287,9 мең тонна уҗым бодае, 228,8 мең тонна көзге арыш, 4,9 мең тонна арпа, 12,7 мең тонна борчак җыелган.

Татарстан аграрчылары тарафыннан 230,9 мең га мәйданда берьеллык һәм катнаш азык җыелган. Бу - фаразланганнан 81 % тәшкил итә.

476,1 мең га җир көзге чәчүгә әзер.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

«ВНИИЗЖ» ФДБУнең Татарстан филиалында яңа җитәкче билгеләнде

Бүген Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов очрашу үткәрде һәм «ВНИИЗЖ» ФДБУнең Татарстан филиалы коллективына яңа директор вазыйфасына Мөбәрәков Айтуган Ризван улын тәкъдим итте.

Министрлыкта Яңа Чишмә районының агросәнәгать комплексын үстерү турында фикер алыштылар

Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров рәислегендә агросәнәгать комплексы мәсьәләләре буенча киңәшмә узды. Анда видеоконференцэлемтә режимында Татарстан Республикасы Яңа Чишмә муниципаль районы башлыгы Егор Тарнавский катнашты.

Татарстанда авыл хуҗалыгы ярминкәләре 28 декабрьгә кадәр дәвам итәчәк

Татарстанда авыл хуҗалыгы ярминкәләре күркәм традициягә әверелде һәм алар, җитештерүчеләр һәм кулланучылар арасында элемтәләрне ныгытып, авыл хуҗалыгын үстерүгә һәм төбәкнең азык-төлек иминлеген яхшыртуга ярдәм итү йөзеннән даими рәвештә уздырыла, бу «Нәтиҗәле һәм конкурентлы икътисад» илкүләм проекты максатларына һәм бурычларына туры килә. Атна саен ярминкәләргә күп төрле продукция: кош ите, сыер ите, дуңгыз ите, йомырка, бәрәңге, яшелчә, сөт һәм сөт продуктлары, шикәр, көнбагыш мае, он һәм төрле кондитер әйберләре китерелә.

декабрь, 2025 ел

Татарстанда тагын 46 мең гектарда техник культураларны җыеп бетерәсе бар

Кыр эшләренең барышы, авыл хуҗалыгы техникасын саклауга кую һәм ремонтлау турында Татарстан Республикасы Хөкүмәте Йортында узган республика киңәшмәсендә Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов сөйләде.

ЯҢАЛЫКЛАРГА ЯЗЫЛУ