Татарстанда кабат гадәттәге авыл хуҗалыгы ярминкәләре узды
Узган шимбәдә Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов Казанда гадәттәге авыл хуҗалыгы ярминкәләре эшен карап йөрде.
Дүрт ярминкә атнасы йомгаклары буенча Татарстан Республикасы фермерлары 375,5 млн сумлык авыл хуҗалыгы продукциясе сатканнар, шулардан 460,7 тонна яшелчә, 73,2 тонна үлчәүле сөт, 109,4 тонна шикәр, 724,1 мең данә тавык йомыркасы, 398,3 тонна ит, шул исәптән 208,8 тонна сыер ите. Ярминкәләр уздыру өчен 3668 берәмлек транспорт җәлеп ителгән.
Ярминкәләр югары социаль әһәмияткә ия һәм Татарстан Республикасы җитештерүчеләре җитештергән авыл хуҗалыгы продукциясен сату өчен иң кирәкле форматларының берсе булып тора, бу «Нәтиҗәле һәм конкурентлы икътисад» илкүләм проекты максатларына һәм бурычларына туры килә.
Исегезгә төшерәбез, язгы авыл хуҗалыгы ярминкәләре 26 апрельгә кадәр дәвам итәчәк, аларда, гадәттәгечә, фермерлардан, кооперативлардан һәм республика авыл хуҗалыгы предприятиеләреннән килгән натураль һәм сыйфатлы продуктларны арзанрак бәяләрдән сатып алырга мөмкин.