Казанда “Бакчачы көне - 2025” узачак
6 сентябрьдә «Казан» агросәнәгать паркының ярминкә мәйданында Татарстан Республикасы бакчачылык һәм яшелчәчелек хуҗалыкларының «Бакчачы көне - 2025» күргәзмә-фестивале узачак.
Чара бакчачылыкны һәм яшелчәчелекне популярлаштыру максатларында үткәрелә һәм актив, хезмәт сөючән, сәламәт яшәү рәвеше алып баручы бакчачының уңай образын булдыруга юнәлдерелгән.
Фестиваль программасында республиканың коммерциягә карамаган бакчачылык ширкәтләре продукциясе күргәзмәсе, кипкән чәчәкләрдән төрле экспозицияләр, балавыздан шәмнәр ясау, шкатулкалар ясау, кашпо бизәү һәм агач киселешләрендә рәсемнәр ясау буенча осталык класслары, татар эстрадасы йолдызлары катнашында күңел ачу программасы каралган.
Аграр ур., 2 йорт адресы буенча «Бакчачы көне - 2025» бәйрәмендә очрашканга кадәр! Чара иртән 8:00 сәгатьтә башлана.