Татарстанда “Агротуризм мәктәбе” узачак
2025 елның 16-18 октябрендә Кунакчыллык индустриясенең илкүләм берлеге һәм «Россельхозбанк» АҖ Татарстан Республикасы территориясендә «Агротуризм мәктәбе» проектының чираттагы чаралар циклын уздыруны планлаштыралар.
Чарада авыл һәм аграр туризмының әйдәп баручы предприятиеләре һәм оешмалары, авыл хуҗалыгы товар җитештерүчеләре, Идел буе федераль округы төбәкләреннән туриндустрия вәкилләре катнашачак.
«Агротуризм мәктәбе» укытучылары буларак, илнең туристлык тармагының әйдәп баручы экспертлары, федераль дәүләт хакимияте органнары һәм туриндустриянең әйдәп баручы тармак берләшмәләре, авыл һәм аграр туризмы лидер-предприятиеләре вәкилләре чыгышлар ясаячак.
Агротуризм авыл территорияләрен үстерүнең нәтиҗәле коралы булып тора, ул «Туризм һәм кунакчыллык» милли проектына ярдәм йөзеннән җирлекнең аграр һәм рекреацион мөмкинлекләрен берләштерергә мөмкинлек бирә. Авыл һәм аграр туризмын үстерү авыл хуҗалыгы товар җитештерүчеләренә, фермерларга өстәмә табыш алырга, шулай ук авыл хуҗалыгы продукциясен базарга чыгарырга мөмкинлек бирә.
Программа кысаларында укучылар авыл һәм аграр туризмының төрләре һәм рәвешләре, агротуризмның хокукый аспектлары, агротуризм өчен кулланыла торган дәүләт ярдәме чаралары, агротуризмны үстерүнең төбәк үзенчәлекләре, керемлелекне үстерү нокталары турында, сервисның һәм хезмәт күрсәтүләрнең сыйфаты бизнесның табышлылыгына ничек тәэсир итүе турында беләчәкләр.
2024 - 2025 елларда «Агротуризм мәктәбе»ндә Үзәк, Төньяк Кавказ һәм Көньяк федераль округлары фермер хуҗалыкларыннан, авыл хуҗалыгы товар җитештерүчеләреннән һәм агротуризм объектларыннан 1000нән артык вәкил укыды, алар әлеге проект ярдәмендә Россиядә авыл һәм аграр туризмын үстерүнең иң яхшы тәҗрибәләрен өйрәнделәр, алдынгы агротуризм предприятиеләре белән таныштылар, туриндустриядән эшлекле партнерлар таптылар.
“Агротуризм мәктәбе” тотрыклы авыл туризмы юлында дәүләтнең, бизнесның, фәннең һәм җәмгыятьнең көчләрен берләштерүче мөһим белем алу һәм коммуникация мәйданчыгына әверелде.