Министрлыкта Татарстан Республикасы агросәнәгать комплексы экспортын үстерү турында фикер алыштылар
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров рәислегендә видеоконференцэлемтә режимында экспортны үстерү буенча киңәшмә узды.
Чарада шулай ук министрның беренче урынбасары Ленар Гарипов, министр урынбасары Рөстәм Гайнуллов, азык-төлек базары бүлеге башлыгы Валентин Спичков, «Агроэкспорт» ФДБУ идарәсе башлыгы Виталий Нагалин, «РЖД Логистика» АҖ бүлекчәсе директоры Дамир Хантимиров, «ФИТ» ҖЧҖ филиалы директоры Сергей Васильев һәм агросәнәгать компанияләренең генераль директорлары катнашты.
Виталий Нагалин Татарстан Республикасы агросәнәгать комплексы продукциясен экспортлауны үстерү программасын тәкъдир итте, аның үзенчәлекләре турында сөйләде.
Ул, Россия продукциясенең югары сыйфатын һәм бәяләр буенча конкурентлыкка сәләтен тәэмин итәргә, шулай ук булган логистик куәтләрне үстерергә кирәк, дип билгеләп үтте.
Дамир Хантимиров «РЖД Логистика» АҖ мөмкинлекләре турында сөйләде.
«РЖД Логистика» - Россия тимер юллары компанияләре төркеменә керүче Россиядәге иң эре логистик операторларның берсе. Компаниянең төп эшчәнлегенә түбәндәгеләр керә: комплекслы логистика хезмәтләре, мультимодаль ташулар, контейнерда ташулар – Россия буенча да, халыкара да һ.б. Компания Азия һәм Европа арасында транспорт коридорларын үстерүдә мөһим роль уйный, Төньяк диңгез юлын үстерү проектларында һәм башка стратегик логистик юнәлешләрдә актив катнаша», - дип ассызыклады Дамир Хантимиров.
Сергей Васильев Ерак Көнчыгыш траспорт компаниясенең төп мөмкинлекләрен билгеләп үтте.
«Компания, төрле транспорт төрләрен: диңгез, тимер юл һәм автомобиль транспортын, үзенең суднолар флотын кулланып, интермодаль йөк ташуларны үз эченә, бу исә диңгез юлы буйлап төрле юнәлешләрдә йөк ташырга мөмкинлек бирә, контейнер сервислары - Ерак Көнчыгышта даими линияләр, шул исәптән Кытай, Корея һәм Япония портларыннан Россиягә маршрутлар да бар. Компания Азияне Россия һәм Европа белән бәйләүче транспорт коридорларын актив үстерә һәм Россиянең транспорт-логистика инфраструктурасын үстерүдә төп уенчыларның берсе булып тора», - дип билгеләп үтте Сергей Васильев.
Киңәшмә барышында катнашучылар Татарстан Республикасында теркәлгән продукция, трейдинг һәм сыйфатлы логистик коридорлар буенча мәсьәләләр буенча фикер алыштылар, бу "Халыкара кооперация һәм экспорт" илкүләм проектын үстерүгә ярдәм итә