«СауБозау» ИИ-ассистенты сөт терлекчелеге буенча тестны уңышлы узды
«Саубозау» ИИ-ассистенты (Ясалма интеллект ассистенты) «Н.Э. Бауман ис. Казан ветеринария медицинасы академиясе» институтында «Сөт терлекчелеге» профиле буенча тестны уңышлы узды. Ясалма интеллект тикшерү биремнәрен уңышлы үтәде, бу аның «Ветеринария һәм зоотехния» белгечлеге буенча компетентлы булуын раслады. Ассистент GigaChat зур тел моделе базасында Сбера һәм «Эвотор» командалары тарафыннан Telegramда бушлай чат-бот рәвешендә түбәндәге сылтама буенча төзелгән:
Академиянең әйдәп баручы профессорларыннан һәм мөгаллимнәреннән торган Комиссия ясалма интеллектның (ИИ) белемнәрен 48 тест сораулары һәм сөтле сыерларны ашатудан һәм тотудан алып төрле авыруларны диагностикалауга кадәр киң спектрны үз эченә алган бер ачык бирем буенча бәяләде. Сөт терлекчелеген алып баруның практик аспектларына аерым игътибар бирелде.
“Ай саен 16 меңнән артык кулланучыга ярдәм итә торган «СауБозау» ассистенты актив үсешен дәвам итә. Н.Э. Бауман исемендәге Казан дәүләт ветеринария медицинасы академиясе экспертлары ярдәмендә ИИ-ассистенты фермерларга сөт терлекчелеге буенча мөмкин кадәр төгәл һәм файдалы тәкъдимнәр бирү өчен белемнәр базасын даими киңәйтә һәм эш алгоритмнарын камилләштерә”, - дип билгеләп үтте Cбербанкының Идел-Нократ (Волго-Вятка) банкы рәисе Александр Анащенко.
«Н.Э. Бауман ис. Казан ветеринария медицинасы академиясе» институты директоры Рөстәм Равилов сүзләренә караганда, бу Ясалма интеллект белән гади эксперимент кына түгел, ә авыл хуҗалыгына ветеринария ярдәме күрсәтүнең киләчәге. “Сбер белән партнерлык итү ярдәмендә без мөгаллимнәребезнең күпьеллык тәҗрибәсен «цифрлаштыра» алдык һәм аны һәр терлекченең кесәсенә сала алдык. Хәзер хәтта яңа эшли башлаган бик ерактагы фермер да академия профессоры дәрәҗәсендә киңәш алырга мөмкин - һәм бу революция!”, - дип ассызыклады Рөстәм Равилов.
“Тестны уңышлы узу авыл хуҗалыгында ясалма интеллектның гаять зур мөмкинлекләрен күрсәтә. Ассистент дистәләгән мең фермер өчен алыштыргысыз ярдәмче була ала, бигрәк тә ветеринария белгечләре җитмәү сизелә торган ерак районнарда. Бу проект акыллы ассистентларның тулы бер гаиләсен булдыруга беренче адым булачак”, - дип билгеләп үтте Сбербанкның “Татарстан Банкы” бүлекчәсе идарәчесе Руслан Сәлимов.
Яңа цифрлы сервислар булдыру «Белешмәләр икътисады һәм дәүләтнең цифрлы трансформациясе» илкүләм проекты максатларына һәм бурычларына туры килә.