Министрлыкта атчылык һәм ат спорты тармагының 2024 елдагы эшенә йомгаклар ясалды
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы авыл хуҗалыгы һәм азык-төлек министры урынбасары - Татарстан Республикасы Атчылык һәм ат спорты федерациясе рәисе урынбасары Гөлүс Баязитов рәислегендә Татарстан Республикасы Атчылык һәм ат спорты федерациясенең хисап конференциясе узды. Анда шулай ук Татарстан Республикасы спорт министрының беренче урынбасары — «ТР Ат спорты федерациясе» ТИО рәисе урынбасары Хәлил Шәйхетдинов, «Татнефть» ГАҖнең ат спортын үстерү буенча социаль программалар бүлеге башлыгы урынбасары - Татарстан Республикасы Атчылык һәм ат спорты федерациясе рәисе урынбасары Гыяз Идиятуллин һәм «ТР Ат спорты федерациясе» ТИО башкарма директоры Светлана Каппушева катнашты.
"Атларны тиешенчә дәрәҗәдә үрчетмичә атчылыкны үстереп булмый һәм дөнья практикасы моны раслый. Республикада атлар үрчетүдә уңышлар бар, 57нче Татарстан ат заводы моңа мисал", - диде Гөлүс Баязитов.
Министр урынбасары Татар атлары токымлы атлар белән эшләүчеләрнең һәм фәнни хезмәткәрләрнең иҗади эшләрен аерым билгеләп үтте, алар ярдәмендә атлар үрчетүнең сыйфат күрсәткечләре елдан-ел яхшыра, шулай ук атлар катнашындыгы милли уеннар яңадан торгызыла, диде ул.
Гыйнвар башына барлык категорияләр буенча атлар саны 30 мең баштан артык исәпләнә, авыл хуҗалыгы оешмаларында - 8,9 мең баш, шәхси хуҗалыкларда - 13 мең баш һәм фермер хуҗалыкларында - 8,8 мең баш.
Гөлүс Баязитов әйтүенчә, Татарстан Республикасы Рәисе Р.Н. Миңнеханов тырышлыгы һәм республика җитәкчелеге ярдәме белән атчылык һәм ат спорты актив үсә.
Хәлил Шәйхетдинов 2024 елда башкарылган эшләр турында хисап тотты. «2024 елда республика спортчыларына рекордлы санда спорт исемнәре һәм разрядлары бирелде — 3 - Россия Федерациясенең атказанган спорт мастеры, 13 - Россия һәм халыкара класслы спорт мастеры, 330 - Россиянең спорт мастеры», - дип билгеләп үтте ул.
Федерациянең башкарма директоры Светлана Каппушева узган елга йомгаклар ясады. Чыгышы барышында ул горурланырлык кайбер вакыйгаларны һәм чараларны санап чыкты.
Хисап конференциясе азагында ат үрчетүчеләрне, тренерларны, ат караучыларны һәм чараларның иганәчеләрен Рәхмәт хатлары һәм Грамоталар белән бүләкләделәр.
Татарстан Республикасы Атчылык һәм ат спорты федерациясе җитәкчелеге һәм конференциядә катнашучылар Татарстан Республикасы Авыл хуҗалыгы һәм азык-төлек министрлыгына, Татарстан Республикасы Спорт министрлыгына, күп еллар дәвамында Татарстанда атчылыкны һәм ат спортын үстерүгә ярдәм иткән иганәчелек оешмаларына зур рәхмәтләрен белдерделәр.