Татарстан делегациясе Таҗикстанның Согдиана өлкәсендәге берничә предприятиедә булды
Бүген Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров Татарстан Рәисе Рөстәм Миңнеханов җитәкчелегендә Таҗикстанның Согдиана өлкәсендәге предприятиеләрдә булды.
Татарстан делегациясе келәмнәр җитештерүче «Кайраккум келәмнәре» фабрикасында, җылыту җайланмалары һәм радиаторлар җитештерү буенча «Титан-8888» предприятиесендә һәм торбалар җитештерүче «Сугдметалл» заводында булды.
«Кайраккум келәмнәре» фабрикасы Гулистон шәһәрендә урнашкан һәм келәмнәр җитештерү буенча Таҗикстанда иң эре җитештерү предприятиесе булып тора. Биредә төрле зурлыктагы һәм дизайндагы 100дән артык төрдә келәмнәр җитештерелә. Җитештерү куәте - 3 млн кв. метрга кадәр келәм җитештерелә.
Бободжон шәһәрендә җылыту җайланмалары җитештерү буенча «Титан-8888» предприятиесе 2024 елда ачылган. Предприятие дүртенче илкүләм максатны – илне тизләтелгән индустриалләштерү һәм аның сәнәгать үсешен комплекслы гамәлгә ашыру процессына ярдәм итү дәүләт программасы буенча төзелгән.
"Сугдметалл" - Таҗикстан белән Үзбәкстан арасындагы сәүдә-икътисадый хезмәттәшлекне ныгыту нәтиҗәсе. Предприятиедә технологик җайланмаларның 2 линиясе урнаштырылган, еллык куәте - 100 мең тонна төзелеш металл продукциясе. Предприятиедә эретеп ябыштыру, алмаз ташы белән кисү, әйберләрне кисү һәм төргәкләү процессы башкарыла.
Дустанә илләр белән тышкы икътисадый элемтәләрне үстерү «Экспорт» илкүләм проекты максатларына туры килә.