КНИТУда «Азык-төлек технологияләре һәм биотехнологияләр» конференциясе узачак
«КНИТУ» югары һөнәри белем бирү ФДБМУ базасында халыкара катнашын яшь галимнәр, аспирантлар һәм студентлар катнашында «Азык-төлек технологияләре һәм биотехнологияләр» бөтенроссия конференциясе узачак.
Конференция 2025 елның 21 апреленнән 25 апреленә кадәр Татарстан Республикасы Авыл хуҗалыгы һәм азык-төлек министрлыгы, «Татарстанның Д.И. Менделеев ис. республика химик җәмгыяте» иҗтимагый оешмасы һәм азык-төлек продукциясе җитештерүче компанияләр ярдәмендә узачак.
Конференциянең максаты – азык-төлек иминлегенең заманча таләпләренә җавап бирә торган азык-төлек продуктларын җитештерү технологиясен эшләү һәм аппаратлаштыру өлкәсендә студентларның, аспирантларның һәм яшь белгечләрнең фәнни иҗатын кызыксындыру, азык-төлек предприятиеләре хезмәткәрләрен һәм фәнни җәмәгатьчелекне яшь галимнәрнең тикшеренү нәтиҗәләре белән таныштыру, индустриаль партнерларны биотехнологияләр һәм азык-төлек технологияләре өлкәсендә инновацион процессларны бергәләп эшләү һәм гамәлгә кертү өчен университет һәм академия фәне белән хезмәттәшлеккә җәлеп итү.
Студентларны Россиянең агросәнәгать комплексында фәнни эшчәнлеккә җәлеп итү «Азык-төлек иминлеген технологик тәэмин итү» илкүләм проектының максатларына һәм бурычларына туры килә.
Конференция түбәндәге секцияләр буенча уздырыла: үсемлек чималыннан азык-төлек продуктлары технологияләре; азык-төлек җитештерүче оешмаларының технологик җайланмалары, процесслары һәм аппаратлары; азык-төлек продуктларының, даруларның, биологик актив матдәләрнең биотехнологиясе һәм махсуслаштырылган азык-төлек продуктлары технологияләре; чимал һәм калдыкларны эшкәртүнең сәнәгать биотехнологиясе; терлек итеннән азык-төлек продуктлары технологиясе, азык-төлек товарлары өчен таралар һәм каплар; азык-төлек продуктларының сыйфаты һәм иминлеге; җәмәгать туклануы продукциясе технологиясе; арадаш белем бирү (урта белем бирү учреждениеләреннән катнашучылар өчен), шулай ук урта белем бирү учреждениеләре укучыларының «Biofest» кейслар конкурсы.
Тулырак мәгълүмат белән түбәндәге сылтама буенча танышырга мөмкин: https://www.kstu.ru/servlet/contentblob?id=544096.