Татарстан Республикасы Яңа Чишмә муниципаль районында кыр хезмәтчәннәрен бүләкләделәр
Татарстан Республикасы авыл хуҗалыгы продукциясе җитештерү буенча Россия Федерациясендә алдынгы төбәкләрнең берсе булып тора. Азык-төлек иминлеген тәэмин итүнең төп бурычы - авыл хуҗалыгы продукциясен җитештерү күләмнәрен саклап калу һәм тотрыклы үстерү.
Татарстан Республикасының алдынгы хуҗалыклары һәм комбайнчылары урып-җыю чорында иң күп күләмдә ашлык суктырып, республика үсешенә зур өлеш кертәләр.
Бүген Яңа Чишмә районы башлыгы Вячеслав Козлов һәм Яңа Чишмә районының Авыл хуҗалыгы һәм азык-төлек идарәсе башлыгы Леонид Богомолов җиде кыр хезмәтчәненә рәхмәт белдерделәр һәм традиция буенча лидерларга бирелә торган флагларны тапшырдылар.
«АгроРаздолье» ҖЧҖеннән Александр Кочетов һәм Бадяев Сергей узган җиде көндә югары җитештерүчәнлекле RSM Torum-785 комбайнында урып-җыю чорында 3500 тоннадан артык һәм соңгы җиде көндә 348 тонна ашлык суктырганнар.
«Архангельское» КФХсыннан Валерий Сальцин һәм Александр Курбатов барлык урып-җыю эшләре чорында Полесье комбайнында 1320 тонна һәм соңгы җиде көндә 450 тонна ашлык суктырганнар.
«Скоков Н.А.» КФХсыннан Сергей Ушаков NOVA 340 комбайнында барлык урып-җыю чорында 1200 тоннадан артык һәм соңгы җиде көндә 396 тонна ашлык суктырган.
«Суворов Д.А.» КФХыннан Михаил Козырев барлык урып-җыю чорында 965 тонна һәм узган җиде көндә 264 тонна ашлык суктырган.
«АгроРаздолье» ҖЧҖеннән Вадим Бойков SHAMAN 78N306 йөк автомобилендә урып-җыю башланганнан бирле 7900 тоннага якын һәм соңгы җиде көндә 1137 тонна бөртекле ашлык ташыган.
Бүгенге көнгә Татарстан Республикасында 1 млн 300 мең га мәйданда бөртекле культуралар чаптырылган, бу планнан 98% тәшкил итә, 3 млн 630 мең тонна ашлык суктырылган, уртача уңдырышлылык – гектардан 27,9 центнер.