«Нармонка» агрофирмасында су сиптерү сезоны ачылды
Татарстанда су сиптерү сезоны ачылды. Республикада беренчеләрдән булып су сиптерү системасын Лаеш мелиораторлары эшләтә башлады. «Нармонка» агрофирмасы заявкасы буенча су сиптерү өчен яшелчәчеләргә су бирә башладылар.
Авыл хуҗалыгы билгеләнешендәге җирләрне әйләнешкә нәтиҗәле җәлеп итү һәм Россия Федерациясенең мелиоратив комплексын үстерү дәүләт программасы кысаларында «Нармонка» агрофирмасын сугару өчен су бирә торган сугару системасын капиталь ремонтлау буенча эшләр вакытыннан алда тәмамланды. Участокның өч станциясе дә су бирүгә тулысынча әзер.
«Идел буе мелиорация-су хуҗалыгыхозы» идарәсе ФДБУ җитәкчесе Марс Хисмәтуллин хәбәр итүенчә, “Нармонка” Казанны бәрәңге һәм яшелчә культуралары белән төп тәэмин итүче булып тора һәм хуҗалык эчендәге мелиорация челтәрен һәм су сиптерү техникасын яңарту белән планлы рәвештә шөгыльләнә. Сугарыла торган җирләрдә хуҗалык кәбестә, бәрәңге, чөгендер һәм кишер үстерә.
Су сиптерү сезоны башланганчы мелиорация системасын вакытыннан алда файдалануга тапшыру һәм эшләтү хуҗалыкка быел өстәмә яшелчә продукциясе алу планлаштырыла торган 120 гектардан артык мәйданда бәрәңге һәм яшелчә культураларын су сиптерүгә әзерләү мөмкинлеген бирәчәк.
Хуҗалыкта 5 мең гектардан артык сөрүлек җирләре бар, шуларның 1,5 мең гектары сугарулы. Ә 2026 елга биредә 1,7 мең гектар җирне сугарырга, 31 су сиптерү машинасы (19 шундый агрегат бар инде), 21 берәмлек авыл хуҗалыгы техникасы сатып алырга, 55 мең тонна бәрәңге һәм яшелчә саклау өчен складлар төзергә уйлыйлар.