«Август-Агро»да студентлар белән очрашулар циклы башланды
Күзгә-күз карап аралашулар, туры сораулар һәм эчкерсез әңгәмәләр - яшь кадрлар белән мөнәсәбәтләрне көйләүнең һәм аларны компаниягә эшкә җәлеп итүнең иң яхшы ысулы. «Август-Агро»ның төп юнәлешләре җитәкчеләре Казан дәүләт аграр университетында очрашулар сериясен үткәрәчәк. Алар студентларга практикада булган хәлләр турында сөйләячәкләр һәм аларны компаниянең төрле өлкәләрдәге тәҗрибәләре белән таныштырачаклар.
Чаралар циклын 6 февральдә «Август-Агро» идарәчел компаниясенең генераль директоры Айдар Галәүтдинов һәм башкарма директоры Гомәр Закиров ачтылар. Холдинг җитәкчеләре студентларга «Август-Агро»да практика узуның һәм эшкә урнашуның өстенлекләре, предприятиеләрдәге технологияләр һәм цифрлаштыру турында; карьерага юл яручы белгечләргә бүген куела торган таләпләр, булган проблемалар турында сөйләделәр.
“Авыл хуҗалыгы - перспективалы тармак. Сез дөрес юнәлеш сайлагансыз. Алда сезне актив тормыш көтә. Әйдәгез, Ватаныбыз иминлеге өчен бергәләп эшлик”, - дип йомгаклады беренче очрашуны Айдар Галәүтдинов.
Атналык очрашулар форматында «Август-Агро» белгечләре студентларга No-till технологиясе, предприятиеләр кырларында кулланыла торган техника, цифрлы сервислар, азык җитештерү һәм киләчәк һөнәрнең практик тәҗрибәдә генә белергә мөмкин булган башка үзенчәлекләре турында сөйләячәкләр.