2023 елда Татарстан аграрийлары Россельхозбанктан 25 млрд сум акча алганнар
Россельхозбанк 2023 елда Татарстан Республикасы аграрийларына 25 млрд сум акча биргән. Бу узган елдагыдан 10%ка күбрәк, шул ук вакытта акчаларның 64%ы авыл хуҗалыгын үстерү өчен уңайлы булган ташламалы шартларда бирелгән.
Финанслауның иң күп күләме – 15 млрд сум – төбәкнең эре компанияләренә бирелгән. Кече һәм урта бизнес клиентлары 2023 елда Россельхозбанктан 9 млрд сум алганнар. Микробизнес шулай ук заем чараларын актив җәлеп иткән, ул - 1 млрд сум.
Финанс ярдәме күрсәтү структурасында, гадәттәгечә, сезонлы эшләр аерым урын алып тора. Татарстанда бу максатларга 16 млрд сум бирелгән, шуның 65%ы – ташламалы программалар буенча. «Яңа елда да без, дәүләт ярдәме механизмнарын һәм банкның тармакны, шулай ук төбәк бизнесын нәтиҗәле үстерүгә юнәлдерелгән үз программасын кулланып, авыл хуҗалыгы тармагына ярдәм күрсәтүне дәвам итәчәкбез», – дип сөйләде Россельхозбанкның Татарстан төбәк филиалы директоры Ләлә Кудерметова.
Гомумән, Россия аграрийлары Россельхозбанктан 1,6 трлн сум ярдәм алганнар, бу бер ел эчендәге рекордлы күрсәткеч, шул исәптән 786,1 млрд сум сезонлы эшләргә алынган.