Республикада кабат авыл хуҗалыгы ярминкәләре узды
Республикада 9 сентябрьдән башлап Казан шәһәрендә 14 мәйданчыкта, Чаллы шәһәрендә һәм Зеленодольск районында 2шәр мәйданчыкта, Түбән Кама шәһәрендә 3 мәйданчыкта һәм 26 муниципаль районда төрле вакыт аралыгында авыл хуҗалыгы ярминкәләре уза.
Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов Ленинград урамындагы авыл хуҗалыгы ярминкәсе эшен карады. Сәүдә мәйданчыгына продукцияне Питрәч муниципаль районыннан алып килгәннәр иде.
Узган 12 ярминкә нәтиҗәләре буенча: 929,9 млн. сумлык авыл хуҗалыгы продукциясе сатылган, шулардан 8 004,2 тонна яшелчә, шул исәптән - 4 874,8 тонна бәрәңге, 190,6 тонна үлчәүле сөт, 640,4 тонна шикәр, 919,9 тонна ит, шул исәптән - 530,0 тонна сыер ите.
Ярминкәләр уздыру өчен 35 муниципаль район, 11 254 транспорт берәмлеге җәлеп ителгән.
Ярминкәләр уздыру 2023 елның 23 декабренә кадәр планлаштырылган.