Татарстанда түләүсез юридик ярдәм алуның яңа ысулы эшли башлады
Республика халкы хәзер Россия Юстиция министрлыгының дәүләт электрон сервисы аша түләүсез юридик ярдәм алырга мөмкин. Биредә «Вправе.рф» https://вправе.рф/ хокукый ярдәм порталы эшли башлады.
Портал ярдәмендә сез түбәндәгеләрне эшли аласыз:
- телефон аша юрист консультациясен алырга;
- язма җавап алу өчен квалификацияле юристларга язма сорау җибәрергә;
- Татарстан Республикасы Дәүләт юридик бюросына көндезге кабул итүгә язылырга;
- әһәмиятле тормыш хәлләре буенча актуаль хокукый мәгълүмат алырга.
Порталдан теләсә кайсы граждан файдалана ала. Моның өчен түбәндәгеләрне башкарырга кирәк:
Дәүләт хезмәт күрсәтүләре (Госуслуги (gosuslugi.ru) аша порталның шәхси кабинетында авторизацияләнергә;
«Обращение за юридической помощью» бүлеген сайларга һәм «Подать обращение» төймәсенә басарга;
Үзегезнең хәлне аңлатып, шәхси мәгълүмат бирергә;
Ташламалы түләүсез юридик ярдәм алу хокукына ия категорияне сайларга, әгәр ул булса;
Мөрәҗәгатьнең эчтәлеген, юридик ярдәм төрен, үзегез өчен уңайлы аралашу форматын күрсәтергә һәм кабул итүгә язылырга.