Әтнә игенчеләре беренче булып урып-җыюны тәмамладылар

2023 елның 18 августы, җомга

Республикада урып-җыю  финиш сызыгына җитеп килә. Бүген Әтнә муниципаль районы урып-җыю эшләренең тәмамлануы турында хәбәр итте. Район гектардан уртача 31 центнердан артык уңыш белән 58,8 мең тонна ашлык суктырган.
Уңдырышлылык буенча лидерлар - Тәтеш, Кайбыч, Кама Тамагы, Чүпрәле, Балтач, Спас, Лаеш муниципаль районнары.
Тәтеш районында бөртекле культураларның бер  гектардан уртача уңышы - 40,5 центнер, Кайбыч районында - 36,1 ц/га, Кама Тамагы районында - 36,2 ц/га, Чүпрәле районында - 34,7 ц/га.