Биектау районында «Авыл территорияләрен комплекслы үстерү» федераль проекты кысаларында капиталь ремонттан соң авыл мәдәният йортын ачу тантанасы булды
Бүген Биектау муниципаль районында «Авыл территорияләрен комплекслы үстерү» дәүләт программасы кысаларында Коркачык авыл мәдәният йортын һәм «Салих Сәйдәшев исемендәге балалар сәнгать мәктәбе бүлекчәсе»н капиталь ремонттан соң, шулай ук Татар Айшәсе авылында яңа авыл клубы ачу тантанасы булды.
Эш сәфәрендә Татарстан Республикасы авыл хуҗалыгы һәм азык-төлек министры урынбасары Марсель Мәхмүтов, Татарстан Республикасы төзелеш, архитектура һәм торак-коммуналь хуҗалык министры Марат Айзәтуллин, Татарстан Республикасы төзелеш, архитектура һәм торак-коммуналь хуҗалык министры урынбасары Илнур Нурмөхәммәтов һәм Татарстан Республикасы мәдәният министры урынбасары Ленар Хәкимҗанов катнашты. Аларны Биектау муниципаль районы башлыгы Равил Хисаметдинов озата йөрде.
Кунаклар Коркачык авыл мәдәният йортын ачу тантанасында катнаштылар. Территорияне төзекләндерү белән капиталь ремонт, җиһазлар һәм җайланмалар сатып алу «Авыл территорияләрен комплекслы үстерү» дәүләт программасының «Авыл территорияләренең заманча торышы» федераль проекты кысаларында башкарыла.
Мәдәният йортында Авыл советы һәм медицина пункты урнашкан, шулай ук кунаклар тамаша һәм спорт залын карадылар.
Аннары Татар Айшәсе авылында яңа авыл клубы ачылды. Шуннан соң капиталь ремонттан соң «Салих Сәйдәшев исемендәге балалар сәнгать мәктәбе бүлекчәсе»н ачу тантанасы узды, ул шулай ук «Авыл территорияләренең хәзерге торышы» федераль проекты кысаларында башкарылган.