“Агросила” холдингы «Хәләл» стандартлары буенча әзерләнгән продукцияне сату күләмнәрен арттырды
“Агросила” составына Россиядә «Хәләл» стандартлары буенча иң эре продукция җитештерүче «Чаллы-Бройлер» ҖЧҖ керә. Кошчылык комплексында ел саен 10 мең тоннага кадәр хәләл продукция җитештерелә, аның ассортименты 35 исемнән артып китә. Алар арасында – индивидуаль пакетта чеби-бройлер түшкәсе, вакуум пакетта чеби-бройлер түшкәсе, ябык лотокларда чеби-бройлерның төрле өлешләре (бот, балтыр ите, күкрәк ите, филе, окорочка, канат), ябык лотокларда субпродуктлар (йөрәк, бавыр, муен, ашказаны).
2023 елның гыйнвар-июнь нәтиҗәләре буенча «Хәләл» стандартлары буенча әзерләнгән «Чаллы-Бройлер» продукциясен сату күләме 6028,7 тонна булган. Узган елның шул ук чорына карата үсеш - 32%, сату суммасы 29%ка арткан.
Сатып алучылар арасында иң популяр - чеби-бройлер түшкәсе. Шулай ук иң күп сатыла торган өлешләр — чеби-бройлер ботлары һәм филе. «Чаллы-Бройлер» хәләл продукциясен сатуның төп каналы - челтәрле ретейла.
«Хәләл» категориясендәге продукцияне быел шулай ук “Агрсила” составына керүче Пермь кошылык фабрикасы да чыгара. 2023 елның беренче яртыеллыгында Пермь кошчылык фабрикасының 131,4 тонна хәләл продукция сатылган. “Агросила”ның планнарында – кошчылык фабрикасында әлеге юнәлешне үстерүне дәвам итү, аерым алганда, Свердловск өлкәсенә хәләл продукция җибәрүне арттыру.