«ТатАгроЭкспо» күргәзмәсендә агросәнәгать комплексында кече һәм урта бизнес сегменты вәкилләре өчен ташламалы кредитлар тәкъдим иттеләр
Күргәзмәгә килүчеләргә сезонлы кыр эшләрен башкаруга банк продуктлары тәкъдим ителде. Мәсәлән, Россия авыл хуҗалыгы банкы (Россельхозбанк) 5%тан да артык булмаган еллык ставка буенча ташламалы кредитлар бирү турында сөйләде (РФ Хөкүмәтенең 2016 елның 29 декабрендәге 1528 номерлы карарын гамәлгә ашыру кысаларында). Аграрийлар бу кредит акчаларын ягулык-майлау материаллары, запас частьләр, утырту өчен материаллар, ашламалар, үсемлекләрне яклау чаралары, орлыклар сатып алуга тота алалар.
Шулай ук Микро_АПК һәм АПК_Инвест продуктларына аерым игътибар бирелде, биредә документлар тапшыруның гадиләштерелгән тәртибе һәм гаризаны карауның оптималь срогы - 5 көн эчендә карау күздә тотыла.
Моннан тыш, Россельхозбанк банкның газ-мотор ягулыгы базарын үстерүдә катнашуы турында сөйләде. Бүген оешмалар да, физик затлар да газ баллоны җайланмаларын, шул исәптән аңа комплектлау әйберләрен, шулай ук газ-мотор ягулыгын куллану мөмкинлеге булган автотранспорт чараларын яки авыл хуҗалыгы техникасын сатып алу, урнаштыру яки файдалануга кертү өчен банкта кредит ала алалар.