Рөстәм Миңнеханов бүген туган көнен билгеләп үтә
Татарстан Республикасы Рәисе Рөстәм Нургали улы Миңнеханов бүген туган көнен билгеләп үтә.
“Хөрмәтле Рөстәм Нургали улы!
Татарстан Республикасы Авыл хуҗалыгы һәм азык-төлек министрлыгы исеменнән һәм шәхсән үзем Сезне чын күңелдән Туган көнегез белән котлыйм!
Авыл халкына, авыл хуҗалыгына хөрмәт белән карау, аны кайгыртып яшәү, чын хуҗаларча төптән уйлап эш итү - Сезгә хас сыйфатлар. Бүгенге дөньякүләм катлаулы чорда да Сез, аграр өлкәгә зур игътибар биреп, аңа өстенлек күрсәтәсез, авыл хезмәтчәннәре мәнфәгатьләрен яклап, төрледән-төрле программалар белән авыл халкына һәрьяклап ярдәм итәсез, яшәү һәм эшләү өчен уңай шартлар булдырып, яшьләрне авылга җәлеп итү, гомумән, авыл хуҗалыгын, аның сәяси-икътисадый һәм мәдәни ягын үстерү юнәлешендә гаять зур эшләр башкарасыз. Болар барысы да һәркемнең күңелендә киләчәккә якты өметләр һәм алдагы көннәргә зур ышаныч уята.
Күркәм бәйрәмегез – Туган көнегез уңаеннан Сезгә ихластан иң изге теләкләребезне юллыйбыз, һәр яңа көн тәнегезгә сихәт, күңел күтәренкелеге өстәсен, шатлык-куанычлар китерсен! Халкыбыз, республикабыз иминлеген, аның бүгенгесен һәм киләчәген кайгыртып, армый-талмый башкара торган киң кырлы, үтә дә җаваплы эш-гамәлләрегез һәвакыт нәтиҗәле, уңышлы булсын!”
ТР Премьер-министры урынбасары -
ТР авыл хуҗалыгы һәм
азык-төлек министры Марат Җәббаров