«ЭКОлидер-2022» конкурсына гаризалар бирергә өлгерү өчен төп-төгәл бер атна калып бара
Татарстан Республикасы Экология һәм табигый байлыклар министрлыгы «ЭКОлидер-2022» республика конкурсында катнашу өчен гаризалар кабул итүне дәвам итә. Конкурста катнашуга әйләнә-тирә мохит проблемаларына битараф булмаган предприятиеләр, уку йортлары, җәмәгать эшендә булучылар һәм, әлбәттә инде, журналистлар чакырыла. «Эколидер-2022» республика конкурсында беренче тапкыр блогерлар, фотографлар һәм видеооператорлар катнаша ала.
«Эколидер» республика конкурсына гаризалар 15 ноябрьгә кадәр кабул ителә. Быел «Иң яхшы экоблогер», шулай ук операторлар һәм видеооператорлар өчен — «Менә ичмасам кадр!» дигән яңа номинацияләр барлыкка килде. Конкурста экология проблемаларына битараф булмаган һәркем катнаша ала. Аңа йомгаклар 16 декабрьдә «Пирамида» мәдәни-күңел ачу комплексында ясалачак.
Исегезгә төшерәбез, эшләр түбәндәге төркемнәр һәм номинацияләр буенча кабул ителә:
Оешмалар һәм шәхси эшкуарлар:
- су ресурсларын саклау;
- атмосфера һавасын саклау;
- калдыклар белән нәтиҗәле эш итү;
- экологик иминлек өлкәсендә иң яхшы проект.
Җирле үзидарә органнары:
- Татарстан Республикасы муниципаль берәмлекләре территориясендә әйләнә-тирә мохитне саклау өлкәсендә ирешкән казанышлар өчен;
- Татарстан Республикасы авыл җирлекләре территориясендә әйләнә-тирә мохитне саклау өлкәсендә ирешкән казанышлар өчен.
Экологик белем бирү:
- мәктәпкәчә белем бирү оешмаларында экологик белем;
- гомуми белем бирү оешмаларында экологик белем;
- югары белем бирү оешмаларында һәм өстәмә белем бирү оешмаларында экологик белем.
Иҗтимагый берләшмәләр һәм гражданнар:
- иҗтимагый берләшмәләр;
- гражданнар.
Массакүләм мәгълүмат чаралары:
- иң яхшы телесюжет;
- иң яхшы радиосюжет;
- иң яхшы электрон массакүләм мәгълүмат чаралары материалы;
- вакытлы матбугат басмаларында иң яхшы басма;
- иң яхшы экоблогер.
2022 елда түбәндәге төркемнәр өчен яңа номинацияләр кертелде:
Педагогик тәҗрибә һәм инициативалар:
- мәктәпкәчә белем бирү оешмаларында системалы экологик агарту эше өчен;
- гомуми белем бирү оешмаларында системалы экологик агарту эше өчен;
- югары белем бирү оешмаларында һәм өстәмә белем бирү оешмаларында системалы экологик агарту эше өчен.
Дәүләт контроле (күзәтчелек):
- Татарстан Республикасының иң яхшы дәүләт инспекторы.
Конкурска гаризалар 2022 елның 15 ноябренә кадәр кабул ителә. Йомгаклар ясау 2022 елның IV кварталына планлаштырылган.
Белешмәләр өчен телефон: 8 (843)267-68-11, журналистлар өчен - 8(843)267-68-22.
Гаризалар кабул итү:
- оешмалар һәм шәхси эшкуарлар, җирле үзидарә органнары, иҗтимагый берләшмәләр һәм гражданнар: Anastasia.Merdyukova@tatar.ru;
- экологик белем бирү, педагогик тәҗрибә һәм инициативалар: Leysan.Sattarova1@tatar.ru;
- массакүләм мәгълүмат чаралары: Elena.Veselova@tatar.ru; Aliya.MingazovaN@tatar.ru.
Конкурс нигезләмәсе белән Татарстан Республикасы Экология һәм табигый байлыклар министрлыгы сайтының «Министрлык эшчәнлеге» - «Конференцияләр, конкурслар, СОНКО ярдәме» бүлегендә танышырга мөмкин: https://eco.tatarstan.ru/2022-god-2022-el-6062229.htm.