Рөстәм Миңнеханов җир сөрү буенча Россиянең ачык чемпионаты символын кабул итте

2022 елның 5 октябре, чәршәмбе

Бүген Татарстан Республикасы Президенты Рөстәм Миңнехановка җир сөрү   буенча Россия ачык чемпионатының рәсми символын – сабан тапшырдылар. Чемпионат символын Татарстан  Республикасы  Президентына «Росагролизинг» генераль директоры Павел Косов тапшырды.

Тапшыру «Алтын көз - 2022» агросәнәгать күргәзмәсендә узды.

Исегезгә төшерәбез, сабанчыларның 10 нчы юбилей Россия чемпионаты 2023 елда Татарстанда узачак.

Татарстан 2016 елдан башлап бөтенроссия сабанчылар чемпионатларында катнаша. 2022 елда  12 - 14 августта Ленинград өлкәсендә узган ярышлар йомгаклары  буенча иң яхшылар унлыгына 7 нче урынны алган Татарстан вәкиле Ирек Галиев керде.