Ростсельмаш һәм Росагролизинг хезмәттәшлек турында килешү төзеделәр
Ростсельмаш генераль директоры Валерий Мальцев һәм «Росагролизинг» АҖ генераль директоры Павел Косов хезмәттәшлек турында килешү төзеделәр.
Документ ел ахырына кадәр 1000 берәмлек үзйөрешле техника: комбайннар һәм тракторлар белән тәэмин итүне күздә тота. Сойләшүләр нәтиҗәсендә Ростсельмаш продукциясе махсус ташламалы лизинг шартларында сатылачак. Преференцияләр арасында түбәндәгеләр бар:
* аванс - 0%;
* аннуитет график өчен төп бурычны 2023 елның гыйнварына кадәр кичектерү;
* лизинг вакыты 8 елга кадәр;
* минималь документлар пакеты;
* килешү төзү онлайн аша.
Акция кысаларында техника сатып алуга заявканы компания сайтында клиентның шәхси кабинетында, шулай ук мобиль кушымтада гына рәсмиләштереп була. Заявканы рәсмиләштерү өчен документларны электрон цифрлы имза белән имзалау җитә.
Документны имзалау кысаларында Ростсельмаш һәм Росагролизинг җитәкчеләре агымдагы ел ахырына кадәр кыска срокка һәм озак срокка - 2023 елга кадәр Россия авылын техник модернизацияләү мәсьәләләрендә хезмәттәшлек итү шартлары турында фикер алыштылар. Әлеге килешүне төзү партнерлык мөнәсәбәтләрен үстерүдә яңа мөмкинлекләр ача. Компанияләрнең стратегик хезмәттәшлеге 20 елдан артык дәвам итә. Соңгы биш елда гына да Ростсельмаш «Росагролизинг» АҖенә 8303 берәмлек үзйөрешле техника, шулай ук тагылма һәм асылмалы җайланмалар җибәрде. Лизингка алына торган техниканың күп өлешен ашлык җыю комбайннары тәшкил итә.