4 августта «РИВЦ» АҖ генераль директоры пилотсыз платформалар эшләүче һәм шулар базасында логистик сервислар күрсәтүче Evocargo компаниясе заводында булды. Нияз Хәлиуллин гамәлгә ашырыла торган проектның масштабын һәм республиканың һәм тулаем илнең барлык агросәнәгать комплексы өчен мөһимлеген шәхсән үзе бәяләде. Моннан тыш, платформаларны оештыручылар мәсьәләнең экологик ягын да кайгыртканнар – пилотсыз платформалар бары тик электр яки водородта гына эшли. Evrocargoның барлык эшләнмәләрен сентябрь аенда Казанда узачак Kazan Digital Week-2022 халыкара форумында күрергә мөмкин булачак яки инде хәзер үк түбәндәге сылтама буенча табарга мөмкин: https://m.youtube.com/channel/UC3ojRp86d3LDYNXaVOET_Jw/featured. Шулай ук якын арада компания вебинар уздырачак, анда үзенең инновацион продуктлары – EVO.1 һәм EVO.3 турында җентекләп сөйләячәкләр. «РИВЦ» АҖеннән хәбәрдар булып торыгыз!
Татарстан Республикасы Авыл хуҗалыгы һәм азык-төлек министрлыгы авыл хуҗалыгы кулланучылар кооперативларына 2022 елның 1-2 кварталында тотылган чыгымнарын каплауга 2022 елда федераль бюджеттан финанслана торган «Кече һәм урта эшкуарлык субъектлары акселерациясе» федераль проекты кысаларында субсидияләр бирү буенча сайлап алу уздыру өчен гаризалар кабул итү турында игълан итә.
Сайлап алу Авыл хуҗалыгы кулланучылар кооперативларына федераль бюджеттан финанслана торган чыгымнарының бер өлешен каплау өчен Татарстан Республикасы бюджетыннан субсидияләр бирү тәртибе нигезендә үткәрелә, ул Татарстан Республикасы Министрлар Кабинетының «Аерым юнәлешләр буенча агросәнәгать комплексына дәүләт ярдәме чаралары турында» 2001 елның 30 июнендәге 514 номерлы карары белән расланган.
Документлар 11 августтан 20 августка кадәр эш көннәрендә 8:00 сәгатьтән 16:00 сәгатькә кадәр (тәнәфес 12:00 сәгатьтән 12:45 сәгатькә кадәр) түбәндәге адрес буенча кабул ителә: 420014, Татарстан Республикасы, Казан шәһәре, Федосеев урамы, 36 нчы йорт, 3 кат, 307 кабинет.
Министрлык тарафыннан расланган документлар тапшыру тәртибе, формалары һәм сайлап алу нәтиҗәләре Интернет мәгълүмат-телекоммуникация челтәрендә Министрлыкның рәсми сайтында http://agro.tatarstan.ru/ Эшчәнлек бүлегендә АПКны финанслау бүлекчәсендә, «2022» бүлекчәсендә, «РФ бюджеты» бүлекчәсендә, «Сайлап алу» бүлекчәсендә, «Авыл хуҗалыгы кулланучылар кооперативларына тотылган чыгымнар өлешен каплауга субсидияләр” бүлекчәсендә 2022 елның 11 августыннан 2022 елның 20 августына кадәр урнаштырылачак: (https://agro.tatarstan.ru/otbor-prodolzhaetsya-5710169.htm).
Электрон адрес: Ruslan.Hafizov@tatar.ru
Элемтә өчен телефон: (843) 221 76 85.