Бүген "Агрария фәненең кыр көне - 2022"дә игенчелектәге инновацияләр күрсәтелде
Бүген Казан дәүләт аграр университетының Агробиотехнопаркы һәм Россия Фәннәр академиясе Казан фәнни үзәгенең Татарстан авыл хуҗалыгы фәнни-тикшеренү институты (ТатНИИСХ) базасында «Агрария фәненең кыр көне - 2022» узды. Чарада Татарстан Республикасы авыл хуҗалыгы һәм азык-төлек министры урынбасары Дмитрий Яшин, шулай ук муниципаль районнарның авыл хуҗалыгы һәм азык-төлек идарәләре вәкилләре катнашты.
Бу чара инде өченче тапкыр уза, быел аның мәйданы 200 га тәшкил итә. Узган ел "Агрария фәненең кыр көне" 100 га җирдә узды.
Агробиотехнопарк университеты проекты - алдынгы (нано -, био -, инфо -) технологияләр нигезендә фәнни-белем бирү куәтен һәм әйдәүче һөнәри белем бирү учреждениеләренең, фәнни-тикшеренү оешмаларының, авыл хуҗалыгы товарлары җитештерүчеләрнең һәм агробизнесның ресурсларын берләштерү юлы белән АПКны инновацион үстерүнең интеллектуаль һәм технологик платформасы ул.
Аның максаты – авыл хуҗалыгында конкурентлыкка сәләтле технологияләрне эшләү, сынау һәм ишәйтү буенча уңай инновацион мохит булдыру, авыл халкының тормышын дәрәҗәсен яхшырту һәм керемен арттыру, үзебезнең илнең агробизнесын дөньякүләм җәмәгатьчелеккә интеграцияләү өчен авыл территорияләрен тотрыклы үстерү.
Агробиотехнопаркта төзелеш дәвам итә, тиздән яңа объектлар барлыкка киләчәк: трактор паркы һәм техника өчен матди-техник база, ындыр табагы хуҗалыклары, 2 теплица комплексы, шулай ук студентлар һәм әлеге мәйданчык хезмәткәрләре өчен социаль-көнкүреш блогы булачак.