Зеленодольск сөт эшкәртү комбинаты «Гнездышко» социаль приютында тәрбияләнүчеләргә бәйрәм оештырды
Предприятие Чистай һәм Нурлат балалар йортларына сөт ризыклары тапшырды.
Балаларны яклау көне уңаеннан Зеленодольск сөт эшкәртү комбинаты Зеленодольскидагы балалар һәм яшүсмерләр өчен «Гнездышко» социаль приютында тәрбияләнүчеләр өчен бәйрәм оештырды. Балалар өчен аниматорлар һәм “Обнимама” брендының персонажлары - Обнимама һәм Обнимашка филләре белән күңелле шоу-программа оештырылды. Балалар уеннарда, биюләрдә һәм сабын куыклары тамашасында катнаштылар. Бәйрәм сөт ризыкларын тарату белән тәмамланды. Приютта тәрбияләнүче һәр бала Зеленодольск сөт эшкәртү комбинаты продукциясе белән бүләк җыелмасы алды.
“Безнең тәрбияләнүчеләр һәм коллектив исеменнән сезнең җитәкчелеккә безнең балалар өчен күркәм бәйрәм оештырган өчен рәхмәт белдерәсебез килә. Җәмгыять һәм өлкәннәр ярдәменә мохтаҗ булган кешеләргә битараф булмаганыгыз һәм ярдәмегез өчен рәхмәт сезгә. Сезгә бәхет, сәламәтлек, шатлык һәм уңышлар телибез!”, — дип, рәхмәт белдерде приют директоры Нина Павлова.
Комбинат шулай ук Чистай һәм Нурлат балалар йортларында тәрбияләнүчеләргә дә бүләк җыелмалары тапшырды.