Татарстан Республикасы Дәүләт техник күзәтчелек идарәсе 2021 елдагы эшчәнлегенә йомгаклар ясады
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Дәүләт техник күзәтчелек идарәсе коллегиясе утырышы узды. Аның эшендә Татарстан Республикасы авыл хуҗалыгы һәм азык-төлек министры урынбасары Рафаэль Фәттахов, Татарстан Республикасы Дәүләт техник күзәтчелек идарәсе башлыгы Радик Зыятдинов, Татарстан Республикасы Дәүләт техник күзәтчелек идарәсе каршындагы Иҗтимагый совет рәисе Мөнир Гафиятуллин һәм башкалар катнашты.
Радик Зыятдинов эшчәнлекнең төп юнәлешләре буенча башкарылган эшкә йомгак ясады һәм 2022 елга өстенлекле бурычлар билгеләде. Ул билгеләп үткәнчә, Идарәдә 2022 елга кадәр цифрлы трансформация программасы эшләнгән, анда цифрлы трансформация бурычларын тормышка ашыруның төп юнәлешләре билгеләнгән.
Дәүләт идарәсенең цифрлы трансформациясенең төп күрсәткечләреннән берсе - аның цифрлы өлгергәнлегенә ирешү. Цифрлы өлгергәнлек дәрәҗәсен бәяләү күрсәткечләре буларак, дәүләт хезмәтләре күрсәтүне бәяли торган күрсәткечләр карала, болар – электрон хезмәт күрсәтүләр, хезмәт күрсәтү срокларын кыскарту, хезмәтләр күрсәтелгәндә электрон хезмәттәшлеккә ихтыяҗ булу дәрәҗәсе. 2022 елга төп бурыч - яңа мәгълүмати һәм цифрлы технологияләр нигезендә башкарма хакимият органнары структуралары белән электрон хезмәттәшлекне киңәйтү, дәүләт хезмәтләрен электрон рәвешкә күчерү һәм күрсәтү», - дип хәбәр итте Радик Зыятдинов.
Гражданнар җәмгыятенең һәм дәүләтнең үзара хезмәттәшлеге системасында гавами хакимият органнары каршында оештырыла торган һәм идарә итү карарларын кабул итүнең ачыклыгын һәм хәбәрдарлыгын тәэмин итә торган иҗтимагый советлар мөһим роль уйный.
Дәүләт техник күзәтчелек Идарәсендә Татарстан Республикасы Дәүләт техник күзәтчелек Идарәсе каршында каршында Иҗтимагый совет төзелде, аны Татарстан Республикасы Дәүләт техник күзәтчелек идарәсе каршындагы Иҗтимагый совет рәисе, Татарстан Республикасы Иҗтимагый палатасы Рәисе урынбасары Мөнир Гафиятуллин җитәкли.
“Хисап елында 6 утырыш үткәрелде. Утырышларда Татарстан Республикасы Татарстан Республикасы Дәүләт техник күзәтчелек Идарәсе тарафыннан эшләнгән иҗтимагый әһәмиятле норматив хокукый актлар проектлары каралды, дәүләт хезмәтләре күрсәтү сыйфаты, контроль-күзәтчелек функцияләрен гамәлгә ашыру, коррупциягә каршы эшнең һәм кадрлар эшенең барышы, дәүләт сатып алуларының нәтиҗәлелеген бәяләү буенча мониторинг уздырылды”, - дип хәбәр итте Татарстан Республикасы Дәүләт техник күзәтчелек идарәсе каршындагы Иҗтимагый совет эше турында Мөнир Гафиятуллин.
Россия Гадәттән тыш хәлләр министрлыгының Татарстан Республикасы буенча Идарәсенең Татарстан Республикасы кече суднолар буенча Баш баш дәүләт инспекторы Юрий Венедиктов үзйөрешле техника катнашында булган кышкы һәлакәтләр турында мәгълүмат бирде.
«Агымдагы кышкы чорда 4 һәлакәт булды, 8 кеше коткарылды. 2021 ел декабренең икенче декадасында Лаеш, Әгерҗе муниципаль районнарында боз ныклап катканчы кар каплап киткән участокта үзйөрешле кар машинасының су астына китүе теркәлгән. Агымдагы елның 3 гыйнварында, 12 февралендә Әгерҗе, Тукай муниципаль районнарында ике һәлакәт теркәлгән, Әгерҗе муниципаль районында кар машинасы боз астына киткән, Тукай муниципаль районыда кар машинасында кар көртенә кереп баталар һәм мөстәкыйль рәвештә чыга алмыйлар», - дип хәбәр итте Юрий Венедиктов.
“Тулаем алганда, уртак актив профилактик эш алып бару нәтиҗәсендә кар машиналарының боз астына китүенә бәйле һәлакәтләрнең кимүе күзәтелә”,-дип билгеләп үтте Юрий Венедиктов.
Министр урынбасары Рафаэль Фәттахов Татарстан Республикасының авыл хуҗалыгы товар җитештерүчеләре белән үзара хезмәттәшлек турында мәгълүмат бирде. Утырыш ахырында Татарстан Республикасы Дәүләт техник күзәтчелек идарәсе хезмәткәрләре алдынгыларына бүләкләр тапшырылды.