Татарстан фермерлары АПК экспертларыннан бушлай консультацияләр ала алалар
Своё Фермерство экосистемасында фермерлар өчен бушлай сервис – «Агроконсультант» барлыкка килде. Аның ярдәмендә аграрийлар К.А. Тимирязев ис. Россия дәүләт аграр университеты – МСХА мөгаллимнәреннән шәхси квалификацияле консультацияләр ала алалар. Экспертлар Telegram мессенджеры ярдәмендә читтән торып консультация бирергә әзер, ә кирәк очракта – шәхсән элемтәгә дә керә алалар.
Фермерларның сорауларына биология һәм авыл хуҗалыгы фәннәре докторлары, җир эшкәртү, геология һәм ландшафт кафедралары; агрономия, биологик химия һәм радиология кафедрасы; үсемлекләрне яклау кафедрасы; яшелчәчелек; үсемлекчелек һәм болын экосистемалары; җиләк-җимеш үрчетү; виноградчылык һәм шәраб җитештерү кафедралары профессорлары җавап бирәләр.
Хәзер экспертлар «туфрак», «агрохимия» (ашламалар, үсемлекләрне саклау), «җиләк-җимеш», «яшелчә» һәм «бөртекле» культуралар проблемаларын хәл итүдә ярдәм итә алачаклар. Мәсәлән, кулланучы орлык бәрәңгесен кайда сатып алырга, кишәрлектә корткычлардан ничек арынырга, кура җиләге үсүдән туктауның төп сәбәпләре нинди – бу әле сервисның беренче кулланучыларына экспертлар тарафыннан җаваплар бирелгән сорауларның кайберләре генә.