Россельхозбанк агросәнәгать комплексына 14,3 млрд. сум кредит акчалары бирде
2021 елның 9 аенда Россельхозбанкның Татарстан филиалы агросәнәгать комплексына 14,3 млрд. сум кредит биргән. Әлеге акчалардан 13,5 млрд. сум ташламалы ставка буенча алынган. Ташламалы кредит бирү күләме 1,6 млрд. сумга арткан, ә аны бирү өлеше 13 процент пунктка арткан. Гомумән алганда, ил буенча 2021 елның 9 аенда Россельхозбанк агросәнәгать комплексына 1,2 трлн. сум кредит акчалары биргән, бу әлеге чор өчен рекордлы күләм.
Заем акчалары инвестиция максатларына да (яшелчәсаклагычлар һәм терлекчелек комплекслары төзүгә, модернизацияләүгә һәм реконструкцияләүгә, техника һәм хайваннар сатып алуга), шулай ук әйләнештәге акчаларны тулыландыруга да юнәлдерелә. Финанслау күләмен арттыру, нигездә, аграрийлар өчен кредит акчалары алу мөмкинлегенең артуына һәм гаризаларны карау һәм бирүне гадиләштерүгә бәйле.
2021 елның 9 аенда Россельхозбанк сезонлы эшләр башкаруга 427,4 млрд. сум биргән, шуның 9,5 млрд. сумын Татарстан аграрийлары алган.