Мәскәү өлкәсе делегациясе эш сәфәре белән Татарстанга килде
Бүген Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров Мәскәү өлкәсе авыл хуҗалыгы һәм азык-төлек министры Сергей Воскресенский белән очрашты. Чарада шулай ук Мәскәү өлкәсе авыл хуҗалыгы һәм азык-төлек министры урынбасары Дмитрий Черепнин, киңәшчеләре Татьяна Тихонова һәм Иван Сердюк, Төзелеш һәм территорияләрне үстерү идарәсе башлыгы Сергей Андреев, Җир сәясәте һәм территориаль планлаштыру идарәсе башлыгы Татьяна Ковалева һәм башкалар катнашты. Татарстан Республикасы Авыл хуҗалыгы һәм азык-төлек министрлыгыннан министрның беренче урынбасары Наил Залаков, министр урынбасарлары Ришат Хәбипов, Марсель Мәхмүтов, бүлек җитәкчеләре катнашты.
Яклар берничә мәсьәлә буенча фикер алыштылар, аерым алганда, кунакларны файдаланылмый торган җирләрне әйләнешкә кертү өлкәсендә республика тәҗрибәсе кызыксындырды. «РИВЦ» АҖ җитәкчесе Нияз Хәлиуллин реаль вакыт режимында тармак буенча оператив аналитик мәгълүматны карарга мөмкин булган «Агрополия» порталы турында сөйләде. Мәсәлән, һәр районда савым буенча, җир кишәрлекләрен очыштан күзәтү буенча белешмәләрне һәм аграр югары уку йортларының программачыл тәэминат ителеше буенча аналитиканы күреп булу мөмкинлеге.
Порталда шулай ук авыл хуҗалыгы хезмәтчәннәре өчен «Агронлайн» онлайн мәктәп тә тәкъдим ителә, анда эре предприятиеләр белгечләре дә, зур булмаган фермер һәм шәхси ярдәмче хуҗалыклар белгечләре дә теләсә кайсы уңайлы форматта укулар уза алалар.
АПКны цифрлаштыру мәсьәләсеннән тыш, кунаклар «Авыл территорияләрен комплекслы үстерү» федераль программасын гамәлгә ашыруның барышы, мелиорация һәм авыл хуҗалыгы кооперативларының эшчәнлеге белән дә кызыксындылар.
Киңәшмәдән соң делегация “Казан” агросәнәгать паркында булды, ә иртәгә алар муниципаль районнарга чыгалар, анда урыннардагы азык үзәкләре, авыл хуҗалыгы кулланучылар кооперативларының эшчәнлеге белән танышачаклар, мелиорация системасының ничек эшләвен караячаклар.