Цифрлаштыруның актуаль мәсьәләләре буенча онлайн форматта фикер алышу булачак
21 - 24 сентябрьдә Казанда «Kazan Digital Week 2021» халыкара форумы узачак. Ул «Казан Экспо» халыкара күргәзмә үзәгендә була. Чараның максаты - цифрлы трансформация технологияләрен, продуктларын һәм хезмәт күрсәтүләрен эшләүчеләрнең һәм кулланучыларның ел саен уза торган фәнни, техник һәм коммерциячел коммуникацияләре мәйданчыгын булдыру.
15 июльдә 10:00 сәгатьтә Kazan Digital Week 2021 форумы эгидасы астында «Авыл хуҗалыгында цифрлы технологияләр» вебинары уза.
Вебинар кысаларында АПК өлкәсендә цифрлаштыруга кагылышлы түбәндәге актуаль темалар каралачак:
* Цифрлаштыруны үстерү буенча федераль программа;
* Татарстан Республикасы АПКсын цифрлы трансформацияләү проектлары;
* «Иннополис» махсус икътисадый зонасы» АҖенең цифрлы чишелешләре;
* Үсемлекчелектә цифрлы чишелешләр;
* Терлекчелектә цифрлы чишелешләр;
* Авыл хуҗалыгы предприятиеләрен цифрлы трансформацияләүнең гамәли тәҗрибәсе.
Вебинарның спикерлары буларак цифрлы технологияләр өлкәсендә әйдәүче белгечләр чыгышлар ясаячаклар. Алар арасында: Россия Федерациясе АПКсын цифрлы үстерү һәм дәүләт мәгълүмат ресурслары белән идарә итү департаменты директоры Андрей Хоробрых, Татарстан Республикасы авыл хуҗалыгы һәм азык-төлек министрының беренче урынбасары Наил Залаков, «Иннополис» махсус икътисадый зонасы» АҖ генераль директоры Ренат Хәлимов, "РИВЦ" АҖ генераль директоры Нияз Хәлиуллин һәм башкалар бар.
Вебинарга түбәндәге сылтама буенча теркәлергә була: https://b24-ntwsl1 кbitrix24.site/KDV/.
Kazan Digital Week турында, теркәлү, катнашу шартлары һәм башка мөмкинлекләр турында тулырак мәгълүматны түбәндәге сайтта табарга мөмкин: https://2021.kazandigitalweek.com/.