Кыр хәбәрләре:5 район игенчеләре сабан культураларын чәчүне тәгәлләде
Чәчү кампаниясе ахырына якынлаша. Республика аграрийлары бер генә буш вакытны да кулдан ычкындырмаска тырышалар.
Язгы чәчүнең планлаштырылган 2,8 млн гектарыннан 90%ы чәчелгән.
Шуларның 1036,5 гектары - бөртекле сабан культуралары
Сабан бодае - 401,8 мең га
Арпа - 449,3 мең га
Ашлык кукурузы - 50 мең га
Шикәр чөгендере – 51,1 мең га
Бәрәңге - 1,4 мең га
Рапс - 92,3 мең га
Көнбагыш - 122,4 мең га
Татарстан Республикасы Авыл хуҗалыгы һәм азык-төлек министрлыгының оператив белешмәләреннән күренгәнчә, язгы бөртекле культураларны чәчүне Аксубай, Зәй, Түбән Кама, Нурлат һәм Тәтеш районнары игенчеләре төгәлләгән. Финиш сызыгында Бөгелмә (99%), Ютазы (99%), Баулы (98%), Мөслим (98%), Тукай (98%), Чирмешән (98%), Буа (97%), Алабуга (97%), Спас (96%), Чистай (96%) Минзәлә (95%), Әтнә (94%), Әлмәт (93%), Сарман (93%), Әлки (92%), Балтач (92%) һәм Балык Бистәсе (91%) районнары.
Шикәр чөгендерен Апас, Бөгелмә, Буа, Чүпрәле, Зәй, Кайбыч, Мөслим, Сарман, Тәтеш һәм Тукай районнары игенчеләре чәчте. Финиш сызыгында Минзәлә районы(94%).
2021 елгы кыр эшләренең барышы турында тулырак мәгълүмат белән безнең рәсми сайтта Оператив мәгълүмат бүлегендә танышырга мөмкин.