Татарстан Республикасы Ютазы муниципаль районыннан КФХ башлыгы эре мөгезле терлекләр санын 90 башка арттырачак
Татарстан Республикасы Ютазы муниципаль районының Тарлау авылыннан КФХ башлыгы Юрий Четвертаков ит терлекчелеге белән шөгыльләнә. «Хатыным Гөлназ белән әздән генә башлаган идек – 2006 елда безнең 12 баш эре мөгезле терлек һәм 6 дуңгыз бар иде. Баш санын арттыру белән бюергә хуҗалыкның матди-техник базасын да ныгыттык – бина һәм техника сатып алдык. Бүгенге көнгә 150 баш эре мөгезле терлек исәпләнә, аларның көнлек артымы 1000-1200 граммга кадәр җитә», – дип сөйләде Юрий Четвертаков.
Быел фермер «2017 - 2020 елларга Татарстан Республикасында яшь фермерларга ярдәм” программасы буенча грант откан. Грант акчаларына Юрий Четвертаков терлекләр санын 90 башка арттырырга уйлый.
«Алар өчен Дөм-Тамак авылында бина алдык, – ди ул. – Авырлыгы 600-620 килограммга җиткән үгезләрне суярга җибәрәбез. Сату да яхшы бара – итне бүлгәләп сатабыз, безнең еллар буе сыналган үз сатып алучыларыбыз бар».