Иннополиста Татарстанның агросәнәгать комплексына цифрлы технологияләр кертү турында фикер алыштыла
Бүген Иннополиста агросәнәгать комплексын цифрлаштыру мәсьәләләре буенча семинар-киңәшмә узды. Анда Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров, республиканың муниципаль районнарындагы авыл хуҗалыгы һәм азык-төлек идарәләре башлыклары, эре агросәнәгать предприятиеләре җитәкчеләре катнашты.
Семинар-киңәшмә барышында Татарстан Республикасы Премьер-министры урынбасары Роман Шәйхетдинов Иннополис - Россия Федерациясенең яңа тарихында беренче шундый яңа шәһәр - турында сөйләде. Ул шулай ук авыл хуҗалыгы тармагында мәгълүмати технологияләр өлкәсендә квалификация күтәрү курсларын булдыру идеяләре турында сөйләде.
Марат Җәббаров, агросәнәгать комплексының цифрлы юнәлешләрдә һәм автоматлаштыруда эшләүче предприятиеләре үз күрсәткечләре, эшләнмәләре, хезмәт җитештерүчәнлеге буенча зуррак нәтиҗәләр бирә, билгеләп үтте. Министр шулай ук автоматлаштыруның, цифрлаштыруның һәм заманча технологияләрнең ролен югары бәяләде.
Иннополис мэры вазыйфаларын вакытлыча башкаручы Илдар Хуҗҗәтов Иннополис шәһәрен яңа технологияләрне һәм сервисларны сынау мәйданчыгы буларак күрсәтте. "Шәһәр IT-белгечләр хыялларына туры китереп төзелгән. Биредәге барлык уңайлыклары булган торак йортлар һәм инфраструктура, махсус икътисадый зона шәһәрнең эшлекле активлык үзәге булып санала, университет - интеллектуаль үзәк һәм кадрлар әзерләү үзәге", - дип өстәде ул.
«Иннополис» махсус икътисадый зонасының генераль директоры Ренат Хәлимов, махсус икътисадый зонада 342 компания бар, 12,7 мең эш урыны булдырылган, 311 млрд инвестиция кертелгән, дип сөйләде. Ул агросәнәгать, финанс, медицина технологияләре, киберкуркынычсызлык, акыллы шәһәр, уку һәм электромобильлек өчен технологияләр консорциумнарын үз эченә ала.
Иннополис университетының «Технологик эшкуарлык» магистратурасы укытучысы Василий Зәкиев «Агросәнәгать комплексы өчен ясалма интеллект» темасына чыгыш ясады. Ул, ясалма интеллект эксперт эше дәрәҗәсенә якынлаша, дип сөйләде. Ул икътисадый әһәмиятле нәтиҗәгә китерә торган когнитив бурычларны: керемнең артуын, чыгымнарның кимүен, хәтәрлекләрнең кимүен автоном рәвештә хәл итәргә сәләтле системадан гыйбарәт.
Питч-сессиядә компанияләр җитәкчеләре роботлаштырылган системалар җитештерү, авыл хуҗалыгы техникасы эшен анализлау, терлекчелек хуҗалыкларына цифрлы идарә итү, экстерьер билгеләрен бәяләү, агродроннар, сублимация җайланмалары җитештерү өлкәсендәге проектларны тәкъдим иттеләр.
.jpeg)
Иннополиска эш сәфәре барышында семинар-киңәшмәдә катнашучылар шулай ук «Иннопарк» технопаркында булдылар. Биредә җайланмалар җитештерү һәм җыю, җитештерү процессларын автоматлаштыру, мәгълүмати технологияләр өлкәсендәге инновацион чишелешләр күрсәтелгән.
Иннополис университетында сәнәгать робот техникасын үстерү, авыл хуҗалыгы өчен ясалма интеллект үзәге проектлары, пилотсыз авиация системалары базасында дистанцион мониторинг системалары, шулай ук территорияләр белән идарә итү өчен геокиңлекләр чишелешләре һәм сервислар турында сөйләделәр.